Raamsdonk

Ic Zeegher Ariaens s. rechter inden ambocht van Raemsdunck ende met my Gheriit Arts s. Godeuaert Heynricx s. ǁ Willem Andries s. Willem Wouters s. Ian Peters s. Herman Ariaens s. Lenaert Heynricx s. heemraders inden selven ǁ ambocht voirscreven maken cundt ende kenliic allen luden dat voir ons ghecomen is in eender ghebannen vierscaer Pouǁwels Gheriit s. die Nestelmaker ende heeft met vonnes ende met recht den rechter Ghiisbrecht Smeedts erfghenamen voort ǁ met recht doen eyschen een ghiift te gheven den voirscreven Pouwels Gheriit s. die Nestelmaker van ghenacht tot ghenacht tote ǁ eyntighen daghe toe van enen stic erfs ende diiccamp dat Ghiisbrecht die Smit in voerleden tiiden Pouwels Gheriit s. die nestelmaker ǁ rechter voirscreven voleyst w[….] of yement van haerre waghen so heeft die scout of die rechter voirscreven daer en teynden Pouwels Gheriit ǁ s. die Nestelmaker voirscreven van desen voirscreven erve een vry ghiift ghegeven van des heeren weghen ende vander heemraet weghen voirscreǁven ende van rechts weghen geleghen dit voirscreven erve ende diicamp tusschen Andries Hubrechts erfghenamen erve aen die west syde ende ǁ gheleghen tusschen dien diiccamp ende erve die teynden diicxsmagscap weer lants plach te westen gheleghen is streckende vander Donga ǁ aent noorden eynd voort zuydwaert op streckende totten halven dwarssloet toe die aent zuyden eynd vanden diiccamp ende erve ǁ voirscreven gheleghen is In kennisse der waerheit alle arghelist uuytghesceiden ende om dat wy heemraders voirscreven gheven ghe[***] ǁ zeeghel en hebben soe hebben wy ghebeden zeeghel Ariaens s. onsen rechter voirscreven dat hi ons desen brief bezeeghelen wil ende ic Zeegher ǁ Ariaens s. als rechter voirscreven ende om beden wil der heemraders voirnoemt. Soe heb ic desen brief uuythanghende bezeghelt m[et] ǁ mynen zeeghel op hem luden ende op my selven. Int jaer ons heeren dusent vierhondert ende tweentachtich opten viiftienden dach ǁ inden apryl ǁ

In dorso:

Den h[***] ǁ Beroerende den hoevel ǁ tot Raemsdonck ǁ A ǁ