Raamsdonk

Ick Adriaen Adriaens z. rechter inden ambocht tot Raemsdonck ende Adriaen Gijsbertss. Adriaen ǁ Meuss. Peter Janss. Adriaen Janss. Mathijs Wijten Cornelis Adriaenss. ende Gerit van ǁ Bommel Geritss. met mij als heemraders inden selven ambocht voers. orcunden ende kennen ǁ dat voer ons gecomen is voer een gebannen vierschaer Jacop Hubertss. als voer hem selven ǁ ende als gemachtich van Aevken Dielis dochter sijnder nichten ende gaff over met een ǁ vrij tijft Joest Thonijss alsulke stuck erfs ende goet als den ouden brieff hier aen ǁ hangende uut wijse ende begrijpende is welcke voers. erve den selven Jacop ǁ Hubertss. ende Aevken Dielis sijnder nichten voers. aen bestorven is van Pauwels ǁ die Neestelmaeker sijnen ouden vader […] in orcunden der waerheijt ende want wij ǁ voers. heemraders gem[.] gemenen zegel en hebben soe hebben wij gebeden ǁ Adriaen Adriaenss. onssen voers. rechter dat hij ons desen brieff bezegelen wil ǁ wenk ick Adriaen Adriaenss. voers. schout om bede wil der voers. heemraders ǁ alsoe gedaen hebbe mijnen zegel hier aen gehangen over hem luijden ende ǁ over mij selven int jaer ons heeren dusent vijff hondert ende dertich den ǁ achtsten dach in junio ǁ