Vindplaats van het origineel
Tilburg, Regionaal Archief Tilburg, toegangsnummer 2649, Charterverzameling Geertruidenberg en Raamsdonk, inv. nr. 35b.
31 mei 1519
Samenvatting oorkondetekst
Akte van overdracht, gepasseerd voor schepenen van Geertruidenberg, Cornelis Matheeusz. die Neyer aan Adriaen Peterss. die verwer, priester, deken en kanunnik te Geertruidenberg, ten behoeve van zijn natuurlijke zoon Heinricx Adriaensz., van een jaarlijkse erfcijns van 20 stuivers op zijn hofstede, land en toebehoren te Made en stelt tot onderpand een stuk land, gelegen in mayen steegh, onder voorwaarde dat Adriaen Peterss. en zijn natuurlijke dochter Lyduwy hun lijftocht van deze cijns zullen hebben gedurende hun leven.
Transcriptie
Wy Hubrecht Jans. ende Heinricx Aertss. schepenen in Sinte Geertrudenberge doen condt allen ǁ luden dat voer den rechter ende voer ons comen is in eenre gebanne vierschaer Cornelis Matheeusz. ǁ die Meyer ende gaf over met eender vergienisse heer Adriaen Peterss. die Verwer priester deken ǁ ende canonick van onser kercken, tot Heinricx Adriaensz. syn natuerlix zoen behoef twintich ǁ stuvers tsiaers erfchijns op syn hofstede ende lant met allen zijnen toebehoeren gelegen op die ǁ mede daer hy nu ter tijt op woent metter tymmeringe die daer op staet houdende ontrent een ǁ halven merghen lants, Hubrecht Jan Govaerts lant ende stede oestwaert die gebuersteghe ǁ westwaert ende die gemeynt zuytwaert ende die witte wech noertwaert, Te betalen desen ǁ voirs. chyns alle jaer op ten heiligen ascentioens dach in deser manieren en worde desen voirs. ǁ chijns niet betaelt alle jaer ten termijn voirn. soe mach die toenre des briefs der voirs. guedt ǁ verbieden ende eyghene als een kistpandt. Behoudelijck den voer chyns syns rechts te weten ǁ Aert Meeuss. twintich stuvers tsiaers losrenten ende ons stede chijns een [***] stuvers ende heer Adriaen ǁ zelver twintich stuvers tsiaers losrenten, ende voert zoe heeft Cornelis voirnoemt geset heerAdriaen ǁ voirscr. tot eenen bypandt eenen merghen lants gelegen in Maijen Steegh die Witte Wech ǁ gelegen noertwaert ende Peter Michiels gelegen zuytwaert ende Wouter Jans van Trier westǁwaert ende Philips Cornelis z. oestwaert, daer voer uutgaet onse stede chijns te weten ǁ eenen halve braspenninck ende heer Adriaen voirn. selver eenen Rijnsgulden tsiaers ende twee veertelen ǁ roghe erflijck, ende ons capittel eenen Rijnsgulden tsiaers losrenten, ende te moghen aflossen tot allen ǁ tiden dese voirscr. twintich stuvers tsiaers den penninck met twelf ende den chyns daer toe, ende is ǁ voorwaerdt dat heer Adriaen voirn. of zijn naecomelinge alle dese voirs. losrenten selver sal moghe ǁ lossen nae inhoudt der brieven indien Cornelis voirn. of zijn erfgenamen niet en losten met ǁ voerwaerden dat heer Adriaen ende Lyduwen syn natuerlyck dochter voirnoemt haer lyftocht ǁ hebben zullen aen desen voirs. chijns haer leven lanck geduerende ende niet langher ǁ behoudelyck dat heer Adriaen voirnoemt van desen voirs. chijns contribueren ende houden ǁ sal alle gebuerlijck recht in orconde desen brieve bezegelt met onsen zegelen int ǁ jaer ons Heeren dusent vyfhondert ende neghentiene opten lesten dach van meije.