Chaam

Wii Peter die Bye ende Ian Ians sone van den Eynde scepenen in Alphen, orconden dat voir ons quam ǁ Mechtelt wiilen Heinricx Byes weduwe [***] Heinricken van Triere hueren voight hoir metten recht geǁ geven, ende liide dat zii vercoft heeft om een somme van gelde die hoir vol ende al betailt is Peteren Neggersǁ een stuck beemden houdende twee buynder luttel min of meer gelegen te Kaem int groot broeck neven ǁ Ian Gerit Michiels Volders soons erve westwairt, noortwairt neven Willem her Willems erve oestwairt nevenǁ Pauwels Peter Luyten soons erve suytwairt neven erffenissen Roelofs vanden Corput, ende meer anderen teǁ vryen ende te waeren dit stuck beemden voirscr. commerloes, Behoudelic dien dat medepant bliven sal dairt ǁ met recht schuldich is medepant af te sine van welker medepantschappen die voirs. Mechtelt met hueren ǁ voight den voirgen. Peter Neggers ende sinen nacomelingen gelooft heeft altoes scadeloes ende ongelast teǁ houden in welken stuck beemden voirs. die voirs. Peter Neggers gevest is ende toegedaen met vonnis ende ǁ met recht soe dat hem seker is ende vast met voirwairden dat hii hier af schuldich sal ziin te doen alle geǁbuerlic recht. In orconden desen brieve met onsen segelen besegelt int iair ons heeren duiisent vyerhondert ǁ ende tseventich negenthien daghe in september.