Vindplaats van het origineel
Regionaal Archief Tilburg, toegangsnummer 1428, Charterverzameling Tilburg, inv. nr. 495.
14 augustus 1395
Samenvatting oorkondetekst
Akte van verkoop voor schepen van ’s-Hertogenbosch, door Wouter, Herman en Hubert, zonen van wijlen Bertout zoon van wijlen Wouter genaamd Groot Wouter van Berkel, aan Eustasius genaamd Hedichuysen, van een jaarlijkse erfpacht van 4 mud rogge te betalen in ’s-Hertogenbosch op Maria Lichtmis, uit een halve hoeve in Enschot en de helft van een beemd in Tilburg.
Transcriptie
Wolterus, Hermannus et Hubertus, fratres, liberi quondam Bartholdi, filii quondam Walteri dicti Groot Wouter de Berkel, legitime et here-ǁ ditarie vendiderunt Eustacio dicto de Hedichuysen annuam et hereditariam pactionem quatuor modiorum siliginis mensure de ǁ Buscoducis, solvendam anno quolibet hereditarie in festo Purificationis beate Marie virginis et in Buscoducis tradendam et deliberandam ǁ de et ex medietate cuiusdam mansi qui fuerat quondam Hermanni dicti die Vriese, avi olim dictorum venditorum, siti in parrochia de Inschot ǁ et ex attinentiis eiusdem medietatis dicti mansi singulis et universis quocumque locorum situatis, atque de et ex medietate cuiusdam prati ǁ dicti quondam Hermanni die Vriese, siti in parrochia de Tilborch inter hereditatem liberorum quondam Iohannis dicti van den Eynde ex uno latere ǁ et inter hereditatem liberorum quondam Gerardi dicti van den Passe ex alio latere, et de quibus manso cum suis attinentiis ac prato ǁ reliqua medietas spectat ad Hermannum, filium dicti quondam Hermanni Vriese, ut dicti venditores dicebant, ab eodem emptore ǁ iure hereditario possidendam et habendam, dictique venditores predictam hereditariam pactionem prefato emptori supportaverunt et effestucando ǁ resignaverunt modo in talibus consueto, promittentes ǁ antedicti venditores ut debitores principales indivisi super se et ǁ bona sua omnia ab eisdem ad presens habita ac imposterum ab eis habenda et acquirenda quod ipsi dicto emptori de dicta hereditaria ǁ pactione quatuor modiorum siliginis ei vendita atque de et ex primodicta medietate dictorum mansi cum suis attinentiis et prati ǁ annuatim solvenda, ut dictum est, debitam et iustam prestabunt warandiam et quod omnem aliam obligationem in primodicta medietate ǁ dictorum mansi cum suis attinentiis ac prati existentem, exceptis censu domini nostri ducis et hereditario censu quinque solidorum ǁ communis pagamenti ex primodicta medietate dictorum mansi cum suis attinentiis et prati annuatim prius de iure solvendis, ǁ ut dicti venditores dicebant, dicto emptori deponent omnino.
Promiserunt insuper dicti venditores ut debitores principales ǁ indivisi sub obligatione premissa quod ipsi primodictam medietatem dictorum mansi cum suis attinentiis ac prati pro solutione ǁ dicte hereditarie pactionis quatuor modiorum siliginis dicto emptori annuatim exinde solvende, ut premittitur, sufficientia ǁ beneque valentia semper efficient et satis secura.
Testes interfuerunt scabini in Buscoducis Theodericus Berwout et ǁ Iohannes Scheyuel.
Datum in vigilia Assumptionis beate Marie virginis, anno Domini millesimo tricentesimo nonagesimo ǁ quinto.