's-Hertogenbosch

Jan soone Willem Peters Lamberts woonende tot Haren heeft midts desen wittelijck ǁ ende erffelijck vercocht Johan van Blootenburch als rentmeester ende ten behoeve van Adam van Mierden mannen gasthuijs ǁ ende jaerlijcke ende erffelijcke chijns van vijffentwintich carolus gulden tot twintich stuijvers gelts ganckbaers gelts elcken ǁ gulden gerekent te betaelen alle jaer eerstelijck op den twelffsten dach der maent April ende voorden eersten termijn van ǁ zijn betaelinge op den twaelffden April anno xvic achtenvijftich ende binnen dese stadt vrij van allen beden exactien subventien ǁ van vijffde thiende twintichste hondertste meerdere penninghen commeren schattinghen ende lasten gewoonelijck ongewoonelijck ange ǁ stelt ende noch naermaels angestelt te worden egeene lasten uuijtgescheijden te leveren ende te vergelden van ende uuijt eenen acker teulants ǁ omtrent thien loopensaeten groot zijnde gelegen inde parochie van Haeren onder de dinghbancke van Oisterwijck ter plaetse ǁ genoempt aende Heesacker tusschen erve der kinderen Jans Adriaens de Groot aen d'een zijde ende tusschen erve Peter Evertsen ǁ aen d'ander zijde streckende van erve Adriaen Willem Peeters tot op erve der kinderen Adriaens Driessenz ende alnoch van ǁ ende uuijt eenen beempt zijnde hoij ende weijlant genoempt de Parisbeempt omtrent negen loopensaet groot zijnde gelegen onder ǁ de parochie ende dinghbancke voors. ter plaetse genoempt aende Voort tusschen erve Huijbert Martensz aen d'een zijde ǁ ende tusschen erve Jans Gijsberts aen d'ander zijde streckende van erve der tafele vande H.Geest binnen dese stadt ǁ tot op erve der weduwe Hendrick Schellekens als hij seijde vanden selven gasthuijse metten erffrecht te hebben ende ǁ te besitten ende heeft die voors. vercoopere den voors. chijns die voorn. Blootenburch tot behoeff als boven opge ǁ draeghen met helmelinghe verthijdenisse inne manieren inne manieren inne dijen gewoonelijck zijnde geloovende ǁ die voors. vercoopere als schuldenaer principael op verbant van zijnen persoon ende allen zijne goederen present ende toecomende ǁ dat hij den voorn. gasthuijse vanden voors. chijns schuldighe ende gerechte sal doen warantschappe ende dat hij allen anderen ǁ commer calangie ende aentael inde voors. onderpanden wesende ofte comende den voorn. gasthuijse aff sal doen ǁ geheelijck ende dat hij oijck de voors. onderpanden voorde betaelinghe des voors. chijns den voorn. gasthuijse jaerlijck ǁ daer uuijt als voor te vergelden altijt goet genoch ende weldeugende sal maecken ende houden met conditien inne desen ǁ toegedaen dat die voors. vercoopere den voors. chijns van vijffentwintich guldens jaerlijcx tot allen tijden sal mogen lossen ǁ ende quijten teffens ende tenemael met de somme van vijffhondert carolus gulden tot twintich stuijvers goets permissie ǁ gelts elcken gulden gerekent. Ende metten loopenden jaerchijns ende achtterstellen daer aff als dan tachter ende onbetaelt ǁ staende behoudelijck dat men schuldich ende verbonden sal zijn den voorn. los een halff jaer te voorens wittelijck te ǁ vercondigen ende op te seggen Getuijghen waeren hierover schepenen inne Shertogenbossche Willem van Houtte ende ǁ Justus Versterre gegeven den twaelffden dach der maent April int jaer ons Heeren duijsent ses hondert ǁ sevenenvijftich

Littera Hospitalis ǁ Duplicetur ses [***] ǁ

Linkermarge:

debet segel ǁ vermidts de ge ǁ committeerde ǁ tot de distributie ǁ van dijen ǁ onversien ǁ segels hiertoe ǁ dienende

Dorsale aantekening:

Ontfanghen uijt handen van Jan Gijsberts Heesters, ende ǁ Willem Adriaens van Heesch als momboiren van [***] ǁ kijnderen van Jan Willem Peters de somme van ǁ vijffhondert gulden in afflossinge van de capitaele ǁ penningen dese renten en bij moderatie in ǁ voldoening van afterstellige rente de somme van ǁ ses en vijftich gulden ses stuijvers, consenterende dat dese ǁ in prothocolle worde gecasseert actum 9 Januarij ǁ 1668

[***] ǁ 1668 ǁ voor casseren IX stuijvers

Voor Adam van Mierden ǁ mannen Gasthuijs ǁ vijffentwintich gulden sjaers ǁ tot Haren bij ǁ Oisterwijck