Vindplaats van het origineel
Regionaal Archief Tilburg, toegangsnummer 1433, Charterverzameling Oisterwijk, inv.nr. 73
4 julie 1449
Samenvatting oorkondetekst
Akte van overdracht voor schepenen van Oisterwijk, door Laureyns, zoon van wijlen Reyner die Moelneer, zoon van wijlen Laureyns Moelneers, en Jan die Brouwer, zoon van wijlen Henric Brouwers, gehuwd met Adriana, dochter van wijlen Reyner die Moelneer, aan hun zwager Henrick van Beke, zoon van wijlen Henric ven Beke, van hun recht op 2/3 deel van een pacht van een half mud rogge, uit een huis, hof met gronden en toebehoren, gelegen aen den ketshovel te Berkel.
Transcriptie
[***] soen wilner Laureyns Moelneers ende Ian geheijten die Brouwer soen ǁ [***] en momboir Adrijanen siins wiifs dochter wilner Reyneers voirs. [***] ǁ [***] Ianne die Brouwer sinen swager behorende in een half mudde rogs [***] ǁ [***] zoen wilner Aert Langerbeens geloeft hadde als een sculder principael ǁ [***] n wilner Wouter Aert Langerbeens soen tot behoef Laureynsen Margriete ende ǁ Adrianen kijnder wilner Reyneer Smoelneers ende wilner Aleyten sijns wijfs dochter wilner Wouter Aert Langerbeens ǁ Soen [***] op onser vrouwen dagh alsmen kersen dreeght ende optie erfenissen hier onder gescreven te ǁ [***] ende te [***] van ende uut enen huyse ende hove met sinen gronde ende toebehoerten des voirs. Ians Aert Langer ǁ Beens [***] gelegen inden prochien van Oesterwiick ter stede geheijten Berckel aen den Ketshovel tusschen erfenis ǁ [***] soen optie een siide oestwaert ende tusschen erfenis Henrics vanden Brekelen optie anderen side westwaerts ǁ streckende vande straten aldair totter erfenisse Ians geheijten Brocken welc huijs ende hof met sijnen gronde ende ǁ toebehoirten voirs. vyer lopensaet lants of dair omtrent begripende is gelijc als dat in scepenen letteren van Oester ǁ wiick dair op gemaect volcomeliker begrepen is hebben sij wittelijc ende erfelijc overgegeven ende opgedragen Henricke ǁ geheyten van Beke zoen wilner Henrics van Beke hoiren swager te samen metten voirs. scepenen hennen met alle hoeren machten ǁ crachten ende begrijpen myds ocsuin der voirs. twee der derde deelen den voirgenoemde Laureyns ende Ianne die Brouwer siinen ǁ swager in dit voirs. half mudde rogs erfpachts ennigerwiis toebehorende met afgaen ende vertyen als dair toe be ǁ hoirlijc is ende hebben geloeft Laureyns ende Ian die Brouwer siin swager voirs. als sculdener principael gesamenderhant ǁ ende ongesceyden op hen ende op allen hoir goede die sii nu hebben ende namaels hebben ende vercrigen mogen dit overgheven opdragen ǁ afgaen ende vertyen voirs. den voerghenoemde Henricke van Beke hoeren zwager euweliic gestendich ende vast te houden ende in hoeren ǁ name te doen houden sonder ennich wederseggen ende allen commer ende calangie van hoiren wegen inden voirs. erfpachte ǁ wesende of namaels toe te comen altemael afte doen den selve Henricke van Beke, Oirconden hebben hier over gheweest ǁ Scepenen in Oesterwijck Ghijsbrecht Korstiaen Ghiisbrechts soen ende Jan Peynenborch Peters soen die hoir zeghelen in ǁ getuygenisse hier aen hebben gehangen int jaer ons heren dusent vyerhondert veertich ende neghen, der vriidaghs na ǁ onser liever vrouwendach visitatie vyer daghe in julio