Oisterwijk

Cont zij enen ijegelijcken want Mari dochter wilner Henrick Toeijts zekere erfgueden ende andere gereede ǁ penningen haer toebehoerende in tijden voerleden wittelijcken ende erffelijcken eener gegeven ende opgedraegen hadde ǁ Jannen Andries Lambrechsz tot behoeff der fabrijcken der kercken van Oesterwijck, om daer voer te doen celebreren ǁ allen jaer opten lesten dach vanden Meije voer haer ende haeren ouders zielen salicheijt Een jaergetijt met te ǁ singen vigilie van negen lessen ende misse van requiem gelijc men dat nu ter tijt in gelijcken jaergetijden ǁ gewoenlijcken is te doene gelijck als dat in scepenen brieven van Oesterwijck daer op gemaeckt volcoemelijcken ǁ begrepen is. Daeromme zijn gestaen voer Scepenen ondergescreven Jan Andries Lambrechtsz voers. ende Wouter ǁ Thomaes Woutersz als kerckmeesteren der kercken voers. om dit jaergetijt in manijren voers. then eewigen ǁ daeghen wel gecelebreert te wordene. Dese naevolgende jaerlijcke ende erffelijcke chijnsen der voers. kercken ǁ ende fabrijcken toebehoerende wetende inden ijersten Eenen erfchijns van vijff stuvers die welck jaerlijcks geldende is ǁ Willem vander Vloet uut zekeren onderpanden gelegen inder prochie van Oesterwijck ter steden geheijten optie ǁ hoeven die welck die erfgenaemen wilner Jans die leen der fabrijcken wittelijcken oevergegeven hadden ǁ noch twelff scellingen paeijments jaerlijcks ende erffelijcks chijns die welck Aert Eckermans der fabrijcken ǁ voers. te gelden plach ende nu geldende is Jan Jacops. vander Heijden uut zijnen huijze ende hoeve gelegen ǁ binnen die vrijheit van Oesterwijck omtrent der lijnden aldaer tussen erffenissen Dingene weduwe wilner Gerit ǁ van Berck Claessz optie een zijde ende tussen erffenisse Wouter Henrick Smeerkensz optie ander zijde Noch vijff ǁ scellingen paeijments jaerlijcks ende erffelijcks chijns die te gelden plach Bartholomeeus vanden Eijnde ende ǁ nu geldende is Willem Verbruggen uut zijnen huijze ende hoeve gelegen achter die lijnde omtrent den dreijboom ǁ opten dijck tussen erffenisse Gerit Goessene optie een zijde ende tussen erffenisse Jacop Hoeffs optie ander zijde ǁ item noch vier vleemschen jaerlijcks ende erffelijcks chijns die nu geldende is Aleijt dochter wilner Willem ǁ Lombaerts uut haeren huijze ende hoeve gelegen binnen der vrijheit voers. omtrent der capellen van onser liever ǁ vrouwen tussen erffenisse Eelen Jan Jacopsz optie een zijde ende tussen erffenisse Henrick Peter Gielissen optie ander ǁ zijde Ende noch drie scellingen paijements jaerlijcks ende erffelijcks chijns die welck jaerlijcks geldende is ǁ Henrick Willem Emmen soen uut zijnen huijze ende hoeve gelegen binnen die vrijheit voers. omtrent der kercken ǁ aldaer tussen die gemeijn straet optie een zijde ende tussen erffenisse Pauwels Heijen optie ander zijde gelijck ǁ dit al inder kercken registere voers. ende soo uuijt de scepenen brieven van Oesterwijck daer op gemaect volcoemelijck begrepen ǁ is als zij seden hebben zij vrijelijcken ende erffelijcken oevergegeven ende opgedraegen heeren Andriese Wouter ǁ Stijnen soen priester tot behoeff vanden heeren persoen ende altaristen residerende inder kercken van Oesterwijck ǁ tsaemen metten scepenen heeren voers. daer aff mencie maeckende ende gewach doende ende metten achterstellen ǁ verschenende chijnsen daer aff onbetaelt staende van drie jaeren lestleden met afgaen ende verthijen als ǁ daer toe behoerlijcken is. Ende hebben geloeft Jan ende Wouter kerckmeesteren voers. optie verbijntenisse van ǁ allen den gueden der fabrijcken voers. toebehoerende hebbende ende vercrijgende dese opdracht den heeren voers. ǁ altijt vast ende stentich te houden sonder enich wederseggen. Ende allen commer ende calaengie van der ǁ fabrijcken voers. wegen daer inne wesende altemael aff te doen den heeren voers. Behoudelijck dat zij ǁ ende huere naecoemelingen nae hen dit voers. jaergetijt van nu voertaen allen jaer then eewigen daeghen ǁ then tijde ende in manijeren voers. daer voer celebreren selen gelijck heeren Wouter vander Beerten persoen ǁ Reijner Croes Anthonijs Loenaerts Lauwreijs vanden Venne Jan Sapeels Henrick Emmen Andries Stijnen ende ǁ Nicolaes Emmen priesteren ende altaristen voers. dat openbaerlijcken bekent hebben ende den kerckmeesteren ǁ voers. voer hen ende voer hoere naecoemelingen dat wederom geloeft hebben Orconden hebben hier oever ǁ geweest Scepenen in Oesterwijck Jan die clerck Engbrechsz ende Wouter Jacop Stijnen zoen die huere ǁ zegelen in getuijgenisse hier aen hebben gehangen int jaer ins heeren Duijsent vijfhondert vier ende twentich ǁ den ijersten dach in Junio ǁ [***] dominus anno X [***] ǁ [***]

Dorsale aantekening:

Die heeren persoen ende altaristen residerende inden kercken van Oesterwijck

XV stuijvers pro [***] test… hier van heeft Dielis de ǁ Weer [***] vijff stuijvers op die hoeve die aen heer Bernaerts ǁ Belen? [***] de rente van VII gulden VI stuijvers hier vor [***] de erffgenamen van Claes Colijns III stuijvers ǁ Willem Ghiel Huijsmans III stuijvers paijment facit I stuijver uut zijn huijne op de Vloet ǁ PeterHuijben den Duijff welcker V stuijvers paijments facit I stuijver III oirt ǁ ex domus opten dijck ǁ noch XII stuijvers paijments

XV stuijvers p vanden jaergetijt van [***] ǁ XLVII

Van z[***] ǁ opged[raghen van de] [***] toesterwijck ǁ van [***]