Oisterwijk

Cont sy enen yegelyken dat want Elizabeth naturael dochter wilnere Claus soen wilnere Aelwiins geheyten Schulenborchs die dese selve Claus [***] ǁ wilnere Aleyten dochter wilnere Aerts geheyten tWolfs van Ghoerle voir hoer gebreck dats te weten voer enen jaerliiken ende enen erfliiken [***] ǁ welck Aleyt hoir moeder voirs. geloeft hadde als een principael sculders hoir te ghelden ende te gheven der selver Elizabetthen hoire naa [***] ǁ enighen allen jaer erfliiken op onser vrouwen dach als men kerssen dreeght uut ende van allen ende enyegeliiken gueden erfliike ende haveliike [***] ǁ in wat steden in wat prochien tusschen wyen ende waer die guede gelegen siin eest in haerden off in weken in diepen off in droeghen off hoe [***] ǁ waer men die in hoeren name eighens viinden mach geliic als dat in scepenen litteren van Oesterwiick dair op gemaict volcomeliiker begrepen so [***] ǁ worden inden jaer ons heren doe men screef dusent vyerhondert dertich ende vyve op Sente Valentiins dach martelers Ende welcken erfpacht ǁ naturael dochter Aleyten ende wilnere Claus Aelwiins soen voirsc. gebrack ende nyet vergouden en was der selver als sy seyde gericht waert [***] ǁ aen een huys ende hoff met siinen gronde ende toebehoerten gelegen in der prochien van Ghoerle dat welck wilnere Aleyten Aerts Wolfs dochter [***] ǁ legen tusschen erfenissen Goyaerts die Luwe op deen ziide oestwaert ende tusschen erfenissen Jans van Aesvoert op dander siide westwaerts [***] ǁ geheyten den hovel van Ghoerle totter erfenis toe Jans vander Dussen als sii seyde Ende voert aen allen ander guede erfliike ende [***] ǁ wilnere Arts Wolfs dochter dair sii in bestorven is, welck gericht Wouter geheyten Back soen wilnere Gheereit Bacs inden name ende [***] ǁ dair hii een volcomen macht aff hadde volcomeliic volvuerde allen ende een yegeliiken dair toe dede die hy dair toe sculdich was te [***] ǁ alsoe doen dit aldus geschiet was gewystwaert vanden scepenen dat dese voirsc. Wouter Back dit voirsc. huys ende hoff met siinen gron [***] ǁ alle ander guede erfliike ende haveliike die der voirsc. Aleyten te wesen plaghen ende dair sii in bestorven is voir dit voirs. gebreck [***] ǁ here vanden lande den copere off den coperen dair aff waerscappe doen soude, Ende want dese voirsc. Wouter Back dit voirsc. huys ende ǁ toebehoerten ende voert alle ander guede erfliike ende haveliike voirsc. den ghenen den welcken hy die met recht sculdich was te ǁ te loessen geliic als dat tghetuugh vanden voirsc. scepenen inden gericht genoech vercleert heeft, dair omme Soe heeft Wouter Back ǁ des hy aldus gemechticht was der voirg. Elizabetthen wederen gegeven ende opgedragen met afgaen ende vertiien als dair toe behoerte ǁ Elizabetth voirsc. dit voirsc. huys ende hoff met siinen gronde ende toebehoerten ende voert alle ander guede erfliike ende haveliike die [***] ǁ plagen ende dair sii in bestorven is voir hoer gess. gebreck dair en teynden vercoft Janne van der Elst vanden selven Janne copere erfliike [***] ǁ den welcken copere overmids vonnis der scepenen van Oesterwiick die here vanden lande vanden voirsc. huys ende hoff met siinen gronde ende [***] ǁ alle ander guede erfliike ende haveliike voirsc. die der voirsc. Aleyten te wesen plagen ende dair sii in bestorven is hem te hant vercoft [***] ǁ waerscappe dair sculdich sal ziin aff te doen alsoe verre als die scepenen van Oesterwiick hier in wiisers ziin Orkonden hebben hier over [***] ǁ Wiick Jan van Catwiick Gheryt van Meyensvoert Willem Andries Sappeels soen ende Willem van Beke die hoer seghelen in getugeni [***] ǁ int jaer ons heren dusent vyerhondert dertich ende seven op Sente Nycomedis dach martelers den iersten dach in junio