Oisterwijk

Wij Scepenen [***] Kerckmeesteren Heiligeestmeesteren ende voirts alle die [***] ǁ [***] met enen ijegel[***] zijen oft hoeren lesen dat wij met goeden rijpen voi[***] ǁ [***]dert wesende [***] die wij onlanx [***] vanden brand [***] ǁ [***]de comende [***]oidnen gevijnden beedsche wijze noch betalen, ende on[***] meesten scade m[***] ǁ sten te scutten, ende om[***] ǁ [***] te betalen w[***] en vercoft hebben Merten soen wilneer Henricx van Elmpt bourger ende poirter der stat van tsHertogenbossche, een [***] ǁ [***]e ende erffelijcke [***]ich florijnen rijns gulden gemeijnlijcke genoempt, twintich penningen stuvers gemeijnlijcken genoempt voir elken gu[***] ǁ gerekent, hier inne gere[***] gouwen sonecrone voir vijve ende dertich die oude crone voir vijer ende dertich den gouden overlens rijns gulden voir seven e[***] ǁ twintich stuvers ende die dobbel karolus ende Maria vuerijseren voir twee stuvers ende een oirt die karolus stuvers voir enen stuver ende een oirt oft ander goet gelt ǁ vander selver weerden te vergelden alle jair erffelijcken inden hoochtijde van onser Liever Vrouwen dach concepcionis Ende ten Bossche vrij ende loss, opten wissel ǁ off in Martens zijnre erven oiren oft nacomelingen [***] te leveren op onsen cost last ende aventuere van allen lasten beden scaden ende scettingen vander voirs. vrijheit ǁ wegen hoedanich die wesen mochten welke losrente voirs. wij bekennen datze die voirs. Marten wael ende wittelijcken gecoft heeft tegen ons met zijnen gereden ǁ penningen, welke penningen wij bekennen dat wij vanden voirs. Marten gheboert ende ontfangen hebben in munten enden prijze hier nae bescreven ende die voirt ǁ beset ende bekeert hebben in onsen gemeijnen nootoirbaeren ende profijte ons lasts voirs. ende anders dairs ons ende onser vrijheit voirs. van node was Ende welke losrente ǁ voirs. wij allen gesamender hant inden name van ons selven ende [***] gemeijnder vrijheit wegen ende elke onser voir all, als principael sculdenaeren geloeft hebben ǁ in goeder trouwen te geldende ende wael te betalende den voirs. Martens zijnen nacomelingen nae hem oft hoeren zekeren bode brengere van desen brieve oft der copien ǁ auctentique in manieren voirs., ende hier voir hebben wij verbonden ende verbijnden ons, onse oiren erven ende nacomelingen ende elke voir all, alle die gueden van ǁ ons onsen oren erven ende nacomelingen hoe ende wair die gelegen zijn die wij nu hebben ende namails vercrijgen moigen Ende weert sake dat wij weerden in ǁ ennigen gebreke der betalingen der losrenten voirs. in ennigen toecomende tijde, Ende die voirs. [Ma]rten zijn oiren erven ende nacomelingen oft hoer zekere bode brengerI ǁ van desen brieve oft vanden copien als voirs. is dat aen die Scepenen ten tijde wesende oft en [***] lver oft aen huer woenstat versocht hedden, willen wij ende ǁ consenteren dat hij alsdan vertennacht geleden nae elken termijne gevallen sal moigen verthe [***] de onse voirs. vrijheit elcx daigs dat wij inne gebreke weerden ǁ van elken rijns gulden enen halven stuver welken halven stuver van there wij hem g [***] ende geloven te betalen sonder die principael rente ijet ǁ te mijnderen Ende hebben voirts vertegen ende verthijen voir ons onse oiren erven ende nacomel [***] van allen vrijheiden van privilegien poirterijen sinte Peters ǁ manscappen jairmercten weeckmercten respijt brieven quinkernellen ende voirts der exceptien die men seegt dat gemeijn verthienisse nijet en diedt, ende ǁ voirt allen anderen defensien ende bescuddingen hoedanich die wesen mochten geestelijcken ende werlijcken die ons in desen souden moigen helpen ende den ǁ voirs. Martens letten oft deren in enniger manieren, tegen dese litteren oft tegen ennige van den vorwaerden ende geloeften die in desen litteren bescreven staen Behoudelijcken ǁ dien dat wij die voirs. losrente ten ewigen daigen sullen moigen lossen ende acquiten tsamen metter somme van driehondert rijns gulden tstuck tot twintich stuvers ǁ gerekent ende dat inde penningen als hier nae volgen te wetene, met goudene sonnecronen oft ducaten tstuck tot vijve ende dertich stuvers met goudene ouden cronen ǁ tstuck tot vijer ende dertich stuvers met goudene bourgonsschen rijderen oft ungerssen guldene tstuck tot sess ende dertich stuvers met goudene overlensschen rijns gulden ǁ tstuck tot soeven ende twintich stuvers met dobbelen verijsende der munten wilner hertogen Karolus oft hertoginnen Marien hertougen ende hertouginnen doen zij ǁ leefden van Bourgoingnen van Brabant etc. tot twee stuvers ende een oirt, met halven der selver verijsende voir eenen stuver ende een halff oirt, met karolus ǁ stuvers tstuck voir eenen stuver ende een oirt met dobbelen sasseniers penningen tstuck tot twee stuvers ende drie oirt stuvers gerekent ende met gheelen ǁ anderen penningen Ende oft geboerden dat die voirs. penningen namaels in ennigen toecomenden tijde ennigen hogene oft legene overs hedden dan voirs. is, dat ǁ wij nochtan nijetemijn den selven Martens oft zijnen nacomelingen die voirs. penningen sullen geven ende betalen ten prijze als voirs. is. Te samen metter renten ǁ vanden jare als men die lossen ende acquijten sall ende metten afterstelle oft dan dair ennige tafter ende ombetaelt stonde Behoudelijken dat wij ten tijde ǁ als wij die rente lossen sullen den voirs. Martens zijne oiren erven ende nacomelingen dat een jair te voerens verkundigen ende den wete dair aff doen ǁ sullen ende oft namails geboerden dat god verhueden moet dat dese tegenwoirdige li(tt)eren in ennigen toecomenden tijde gestolen geschoirt oft verbrant woirden ǁ Soe geloven wij den voirs. Martens zijnen oiren erven ende nacomelingen naedien wij des versocht sullen wesen, bijnnen eenre maent dair nae wederomme aen anderen ǁ gelijcke litteren te besegelen ende te verlenen naeder copien oft den transscrift van desen. Ende hebben geloeft als voir inden gevalle dat Martens voirs. oft zijnen nacomelingen ǁ inder manieren voirs. in toecomenden tijden egeen betalinge ende gesciede ende wij oft onze nacomelingen dair inne gebrekelijck veijlen dat wij alsdan ende in dien ǁ gevalle ten versueke des voirs. Martens zijnre oiren erven ende nacomelingen sullen schicken vijve oft sess goede mannen uuijt der vrijheit voirs. wael geguet ǁ wesende die den voirs. Martens voir scepenen vanden Bosch een gelijcke veste doen sullen van twintich gelijcke rijns gulden staende ten losse als voir, Met condicien toe  ǁ gedaen dat wij ende onse voirs. vrijheit ende die voirs. vijve oft sess goede mannen met eenre betalinge ende lossinge gestaen sullen Allet sonder droch oft argeliste ǁ des torconden hebben wij Scepenen gezwoeren raetsluide kerckmeesteren heiligeestmeesteren ende gemeijn gebueren der vrijheit van Oisterwijck voirs. den gemeijnen ǁ zegel der vrijheit voirs. bij onser alne gerechter wetenther aen desen tegewoirdigen li(tt)eren doen hangen. Gegeven opten soeventhiensten dach der maent ǁ decembris int jair ons heeren duijsent vierhondert vijve ende negentich

Dorsale aantekening:

In anno XVc acht ende negen

(Dwars op zijkant:)

Oisterwijck Anno XVc ǁ [***] Octavo [..] novo

(Ondersteboven:)

Den brief van die van Oisterwijck ǁ komende XX Rijnsgulden valua