Tilburg

Claeus zoen wilnere Claeus Maes twelff lopen roggen jaerlycks ende erffelijcks pachts hem toebehorende uuyt ende van eenen erffpacht van ǁ twee mudden roggen ende vier lopen roggen erffpachts allen jaer erffelijcken te vergelden ende te betaelen op Onser Liever Vrouwen dach ǁ Lichtmisse uuyt ende van eenen ackerlandts geheyten den huysacker gelegen in der prochien van Tilborch ter plaetsschen geheyten Oerl ǁ tusschen erffenis Dierck Berys kynder deen syde ende die gemeyn straet oft kerckwech dander syde streckende van daere aen erffenis Cornelis ǁ die Paep met meer anderen, ende welck twee mudden ende vier lopen roggen erffpachts voerscr. Claeus zoen wilnere Claeus Maes ǁ gecoft ende vercregen hadde tegen Jacoppen zoen wilner Jacop Rutten ende Roeloffen zoen wilner Jans van Dalem die men hyet van Dongen ǁ als man ende mombair Elyszabetken synder huysvrouwe dochter wilner Jacop Rutten voerscr. die Jacop voerscr. gewonnen ende vercregen ǁ hadde in eenen wettigen bedde by Engelberen synder huysvrouwen dochter wilner Jan Berys, Ende die voerscr. Jacop ende Roeloff in den ǁ naem als voer ende met hun Engelbeer voerscr. hun moeder die voerscr. twee mudden ende vier lopen roggen erffpachts voerscr. gecoft ǁ ende vercregen hadde tegen Jannen die Wagemaker ende Jannen Martens ghelijck dat in scepenen brieven van Tilborch dair op gemaict ǁ volcomelycker is begrepen, Ende welcke twee mudden ende vier lopen roggen erffpachts voerscr. Claeusen vercoper voirscr., met synen ǁ brueder ende sustere aencomen ende verstorven waren van wilner Claeusen Maes hunnen vader als hy seyde, heeft hy wittelijcke ende ǁ erffelycke vercoft overgegeven ende opgedragen Laureysen zoen wilner Henrick Zwijsen met eenen achterstellinge pacht, tesamen oyck ǁ met allen scepenen brieven ende voerwaerden mentie dair aff makene ende gewach doende ende met allen den recht hem eenichsins dair ǁ inne toebehorende met affgaen ende vertyen als daer toe gewoenlycken ende recht is,  Ende heeft geloeft Claeus vercoper voerscr., als scul ǁ denair principael op hem ende op allen syn gueden nu hebbende ende noch naemaels vercrijgende dit vercopen, overgeven, opdragen, ǁ affgaen ende vertyen voerscr. Laureysen voerscr. altijt vast ende stendich te houden ende in synen naeme te doen houden sonder ǁ eenich wederseggen, ende allen commer ende calaingien in de voersrc(even) twelff lopen roggen erffpachts wesende van synre wegen ende ǁ van allen naecomelingen van wilner Claeus Maes wegen altemael aff te doen den selven, Oirconden hebben hier over geweest sce ǁ penen in Tilborch ende Goerle Reyner Gherit Reynen zoen ende Willem Willem Laureys Ancems zoen die den zegel hoirs gemeyns ǁ scependoms desen brieve open aen hebben doen hangen in den jaere Ons Heeren duysent vyffhondert vyffendedartich den elfsten dach ǁ in den meye

Dorsale aantekening:

Laureys Henrick Zwysen z.