Onbekend

Georgius ab Austria[1] Dei et apostolice sedis gracia episcopus Leodiensis, dux Bullonensis, comes Lossensis etcetera, ǁ administrator archidiaconatus Campune in ecclesia Leodiense eodem archidiaconatu pro presente vero rectore et possessore carente ǁ presbytero officiante in divinis ecclesias parrochiales villarum de Venloon et Sprange canonice unitas Leodiensis diocesis ǁ et dicti archidiaconatus Campune ac aliis universis et singulis presbyteris, clericis, notariis et tabellionibus publicis nobis subditis ǁ salutem in Domino. Cum egregius et nobilis vir vir dominus Theodricus Grevenbroeck, dominus temporalis de Venloon, asserens ǁ collationem et seu ius presentandi rectorem antedictarum ecclesiarum ad se dum vacat racione sui iuris patronatus ǁ spectare et pertinere ad easdem ecclesias vacantes ad presens per mortem seu liberam resignationem venerabilis et ǁ circumspecti viri domini et magistri Michaelis Enckevort[2], presbyteri ultimi earundem ecclesiarum rectoris, et dum vixit ǁ et decessit canonici possessoris honorabilem et egregium virum dominum Baltazarem Masschereel[3], presbyterum tamquam habilem ǁ et idoneum, ad huiusmodi ecclesias obtinentes nobis, ad quem inpresenciarum prescripte ecclesie admissio, constitutio, destitutio ǁ seu quevis alia dispositio, pretextu, administratione dicti archidiaconatus Campune ut prefertur viro possessore carente ǁ spectant et pertinent litteratorie in Dei nomine presentaverit cum ea supplicationem quatenus antedictum ǁ dominum et magistrim Baltazarem presentatum ad pretactas ecclesias canonice unitas admittere et rectorem in eadem ǁ constituere vellemus et dignaremur adhibitis solemnitatibus in talibus adhiberi consuetis nosque super huiusmodi presen- ǁ tationem unam solemnem pro omnibus fieri fecerimus proclamationem aliis duabus quas ipsi presentato ex gracia ǁ commisimus et remittimus speciali pretermissis ac recepto per nos de et a prenominato domino Baltazare presentato ǁ debito et solempni iuramento in talibus prestari solito ceterisque rite actis eiundem dominum et magistrum Baltazarem ǁ presentatum in et ad pretactas ecclesias ipsarumque realem, corporalem et actualem possessionem iuriumque ǁ et pertinentem earundem auctoritate nostra admisimus et admittimus rectoremque in eisdem constituimus per presentes ǁ investionem eiundem ac eidem providente de eisdem traditionem presencium cum omnibus et singulis suis iuribus et ǁ pertinentibus universis hinc est quia vobis universis et singulis ac cuilibet vestrum supradictis in virtute ǁ sancte obediencie districte precipientes mandamus quatenus accedentem pretactas ecclesias de Venloon et Sprange ǁ ipsum dominum Baltazarem presentatum eiusve procuratorem *** pro eo et eius nomine in et ad huiusmodi ǁ ecclesias ipsarumque realem, corporalem et actualem possessionem ponatis et iuducatis calicem, libros, ǁ missale ceteraque ornamenta adhoc requisita in signum vere et legittime possessionis tradendum et ǁ deliberandum sibique presentato aut suo procuratori legittimo de earundem ecclesiarum fructibus, redditibus, ǁ censibus, iuribus et obventionibus universis quantum in vobis est respondeatis ac ab aliis faciatis et mandetis ǁ integraliter et ad plenum responderi temporibus et locis adhoc aptis sit quid inde securitis nobis fideliter ǁ et liquide rescribatis. Datum sub sigillo nostro ad causam presentium appenso anno a nativitate Domini millesimo ǁ quingentesimo quinquagesimo secundo mensis iunii die decima octava.

Pro domino sigillata

[w.g.] magister Bloemaerts

Dorsale aantekening:

Executum est presens pubblicum mandatum secundum tenorem litterarum et data possessio retro scripto ǁ domino et magistro Massereel coram presentibus domino Cornelio Petri Corspit, domino Cristofforo Joannis Schout, ǁ domino Huberto Guilhelmi Verschueren, magistro Arnoldo Gerardi et Huberto Anthouni Forestadii ǁ et pluribus aliis et acta vicesima prima die iunii anno ut retro. ǁ Et etiam pro maiori cautela ad evitandas contraversias et lites eidem domino supra notato dedi pos[se]- ǁ ssionem in Prange coram testibus domino Huberto Adriani, domino Guilhelmi et Florentio Joannis filio et ceteris. ǁ  Ita est dominus Cornelius filius Petri Corspit.

[archivarisaantekening]

Aengaende de pastorije van Loon

Loon

N^o 4