Loon op Zand

Joncker Florijs van Liebroock heer tot Boickhooven alzulcken erffchijns van achtijen carolus guldens tsairs ǁ tot twintich stuvers elcken gulden gerekent als Goijardt Janssoon Verdiesen ende Bartolomeus Jans s. jairlix gelooft ǁ hebben te vergelden Marijkens weeduwe zijns potteijs alle jaire sHertogenbossche te betaelen opten twee ende ǁ twintichsten dach van decembrij gelijck dat in eenen sceepen brijeff van sHertogenbossche daerop gemackt volcommelijcke ǁ begreepen is heeft dije voirgen. joncker Florijs gelooft alle jaire alzoe aen hueren handen te betaelen ofte doen ǁ betaelen om voirts dair meede der voirs. Marijkens te betaelen zulx datter den voirs. Goijartden ende Bartolomeus s. ǁ ofte hueren erven egeen scaede aff commen en zal, verijpoticeerende ende dair voir ten onderpande ende te boirge ǁ stellende alzulcken jairlixsen rente van twee hondert ende vijfftich carolus guldens als hem jairlix verscijnen ǁ de is opte stadt ende landt van Zeevenbergen noch alzulcken hoove landts metter timmeringen ende toibehoirten als ǁ hij liggende heeft onder Druenen, noch alzulcken erffchijns van sestalff mudde erffrogs metten chijnssen van ǁ sestalven carolus guldens sestalven stuver ende een entwintich honderen grondtchijns als hij jairlix heffende is tot ǁ Goirle, noch alzulcke een envijfftich buenderen moirs als hij liggende heeft onder Dongen, ende noch alzulcke ǁ vierendertich mergen landts als hij liggende heeft int landt van Altena aende Wercken, ende voirts meer ǁ allen zijn goeden haeve ende erve zoe wair ende tot wat plaetsen dije bevonden zullen moegen woirden ǁ onder conditije ende voirwairde dat dije voirs. joncker Florijs dije voirgen. achtijen guldens binnen den tijt ǁ van drije jaren aff zal gehouden zijn te quijten met drije hondert carolus guldens eens ende metten ver ǁ scheenen chijnsen ofte renten in gesalveerden gelde, ende want ick Ffloris voirgen. noch egheen ǁ erffgoeden binnen Loon en hebbe zoe hebbe ick in vesticheijden ende tot meerder zeekerheijt van alles des voirs. ǁ is mijnen zeegel hier onder aen doen hangen. Oirconden hebben hier overgeweest scepenen in Venloon Betram ǁ Claessoon ende Peeter Peeters s. dije huere zeegelen hier aen hebben gehangen int jair ons heeren duijsent ǁ vijffhondert vijfftich ende een opten drije entwintichsten dach van decembri ǁ G. Adrensez ǁ

In dorso:

Deesen brijeff, is mij [***] van Loon opgedragen ǁ met noch hondert ende XLVI gulden, bijden proto ǁ colle blijkende anno 1568 den XX^en dach in octobri ǁ Numero LVI