Loon op Zand

Wi Willem die Weert ende Erard die Beer scepen in Venloen cont maken enen iigheliken die dese ǁ letteren selen sien dat voer ons quam Ard die Snider nam ende ontfinc alle die erffenisse ǁ die Peter Bac ende siin kiinder ligghen hadden op gheen meer alsoe groet ende alsoe cleine ǁ alse Peter Bac voers. ghecreghen hadde theghen Peter den Leu van Peter Bac ende ghel ǁ den ende Henric ende Eliizabethe om een mudde rogghen erffeleken ende alle jaer den ǁ voors. Peteren Bac ende sinen kiinderen die hi bi Elizabeth sinen irsten wive hadde te ghel ǁ den ende te betalen met der maten van Venloen op onsen vrouwendach te lichtmisse ǁ ende die irst pachtdach sal wesen op onsen vrouwendach naest comend over een ǁ jaer ende om den chiins der heren ende Peter Bac ende ghelden Henric ende Eliizabethe ǁ met haren mombaer die si iisghe met der monde ende die men haer gaf met ǁ der hant als recht was kiinder Peter Bacs voers. hebben gheloeft, ghesa ǁ mender hant Arde den Snider voerscreven op hen ende op haer goet dese voer ǁ seide erffenisse te waren ewelke voer desen voers. erfpacht ende den chiins ǁ ende anders alle kalangij ende voer commer af te doen voert soe hebben gheloeft ǁ Peter Bac ghelden Henric ende Elijsabethe met haren mombaer voers. ǁ op hen ende op haer goet die si die ander kijnder die noch niet voeghen ǁ en hebben selen doen vertien wanneer si mondich siin op dese voers. erf ǁ fenisse Ende Adriaen die Snider voers. heeft gheloeft op hem ende op siin goet ǁ dat hii dese voers. erffenisse niet op gheven en sal ten si met [***] ǁ ghen pacht opden pachtdach in kennissen deser waereijt soe hebbe ǁ wi scepen dese letteren open beseghelt met onsen seghelen int jaer ǁ ons sheren doe men screef dusent driehondert viiftich ende acht op onsen ǁ vrouwendach conceptio

Dorsale aantekening:

Een mudden roggen ǁ tot Loen ǁ 1385 ǁ 1358 ǁ Venloen ǁ nu Loon op Zand