Vindplaats van het origineel
Tilburg, Regionaal Archief Tilburg, toegangsnummer 1431, Charterverzameling Hilvarenbeek en Diessen, inv. nr. 20.
28 januari 1393
Samenvatting oorkondetekst
Akte van octrooi door Willem, heer van Peterzem, aan de inwoners van Hilvarenbeek, waarin zij het recht op de gruit krijgen.
Transcriptie
Wy Willem here van Peterzem doen cont allen luden dat wy gheven ende ǁ verlenen onsen goeden luden van Beke ende der dynghebanc van Beke willende dat ǁ ons goede lude van Beke voerdaen sonder ennych hoepghelt te gheven hoer gruyt ǁ halen ende te malen te wat molen ende waer sy willen ghelyc dat sy dat herbracht ǁ hebben ontbiedende daer om onsen scouth van Beke die nu is oft namaels wesen ǁ sal alsoe erstelike bevelende als wy moghen dat hy vanden voers. zaken ons goede ǁ lude van Beke met horen toe behoerten voert meer ongemoyt houden ende ǁ oft wy inden voers. punten yemant yet verleent oft ghegheven weer van ons ǁ daer wy met Waes in informeert en weren dat wy dat wederroepen ende willen ǁ dat dat met en sy voert willen wy dat dese voers. punten den goeden dorp van ǁ Beke ghehouden werde ghelyc als myn Vrouwe van Brabant houden sal in or- ǁ conden des briefs soe hebben wy onsen zeghel hier aen gehanghen int jaer ǁ ons Heren dusent dryehondert tneghentych ende drye des dynsdaghs voer Onser ǁ Vrouwen dagh purificacio
Dorsale aantekeningen:
Gesien ende gecollationeert 19 februarij 1662 ǁ Privilegien van de van ǁ Beeck vanden gruytgelde ǁ ende maelgeld ǁ B B ǁ Dato 1393ǁ Dese brief syn vanden ǁ malen ende gruytgelde