Tilburg

Cornelis zoen Wouters Cornelis z. man ende momboir Anne zynder huysvrouwen dochter wilner Martens Jan Ghene, Een stuck ǁ landts hem toebehorende een lopensaet ende drieenveertich stalven roeijen off daer omtrent begrypende gelegen in der prochien van ǁ Tilborch ter plaetssen geheyten in die Schyve aen den Hoolen Eyck op die Hoge Zoeye aldaer tusschen erffenis Peters Gherit Smolders ǁ op die een zyde ende tusschen der erffenis der vrouwen van Doerne met hoeren kynderen op die ander zyde hodende metten eenen ǁ eynde aen den Hoevenschen Kerckwech ende metten anderen eynde aen erffenis Jans Marten Jan Ghenen z. des jongen met noch meer ǁ anderen daer eenen arme van eenen waterlaet geheyten die Hoghe Zoeye voergen., tusschen beyde loopt alzoe hy zeede ǁ heeft hy wittelijcken ende erffelijcken vercoft overgegeven ende opgedragen, Jannen zoen wilner Jans Zomers met affgaen ǁ ende vertyen als dat gewoenlycken ende recht is Ende heeft geloeft Cornelis vercoper voers., als principael schulder ǁ op hem ende op allen zyn gueden, die hy nu heeft ende noch naemaels hebben ende vercrygen sal moegen Jannen coper voers. ǁ dit stuck landts voers., te waren loss ende vry gelyck men loss ende vrij erve schuldich is te waren uuijtgenomen ǁ dat Jan coper voers. daer uuyt sal gelden drie lopen roggen erffpachts den altaristen in der kercken van Tilborch te betalen ǁ noch een lopen roggen erffpachts der ghilde van Sinte Peter in der kercken voers. ende den arm metter schauwen ǁ van den waterlaet voers. ende oick den voetpat over tstuck erffs lopende te onderhouden nae der ouder gewoenten ge ǁ lovende voirts Cornelis vercoper voers. allen anderen commer ende calaingien daer op comende altemael aff te doen ǁ ende oick dit vercopen, overgeven, opdragen, affgaen ende vertyen voers. altyt vast ende stendich te houden ende in ǁ synen naem te doen houden sonder eenich weder seggen Orconden hebben hier over geweest scepenen in Til ǁ borch ende in Goerle Anthonis Denys Meynaertssen, ende Cornelis Claessen van Ghierle die den zegel hoirs ghe ǁ meyns scependoms desen brieve open aen hebben doen hanghen, int jaer ons Heeren duysent vyff hon ǁ dert vyff ende vyftich, den twelffsten dach in novembris.

subscripsit

Dorsale aantekening:

Jan Jan Zomers

VIIen [***] 1603