Tilburg

Jan zoen [wilner] [***] ǁ hem toebehorende [***] ǁ metter maten bevond[en] [is of bevonden sall mogen worden gelegen in de] prochien van [***] geheyten [aen die] [Hoeven] ǁ tusschen erffenis des [***] deen syde ende deen eynde  [ende tusschen erffenis] [Aerdt] Jansz. Veramelvoirt ǁ aen dander syde, hod[ende metten andere eynde aen] die gemeyn straet, Ende noch [hiertoe] een stuck ackerlandts drie ǁ lopensaet ende zeven [roeden] [off daer ontrent] begrijpende off soe groot ende cleyn als tselve metter maten bevonden sal ǁ werdden ende gelegen is [in de prochie ende plaetssen] voers. tusschen erffenis [des Godts] van Tongerloe aen deen syde ende ǁ tusschen erffenis des [Convents van Tongerloe] voers. aen dander syde hodende metten eenen eynde aen erffenis Henrick Cornelis ǁ Appels zoen ende metten anderen eynde aen erffenis Adriaens Jansz. van Gestel tsamen metten rechte van wegen als dit ǁ voers. stuck ackerlandts heeft over den erve des voers. Adriaens Jansz. van Gestel achtervolgende scepenen letteren van ǁ Tilborch daer aff synde, all alsoe hy seede, heeft hij wittelycken ende erffelycken vercoft overgegeven ende opgedragen, Jannen ǁ zoen Jans zoen wilner Jan Symonsz., met affgaen ende vertyen als dat gewoenlycken ende recht is, Ende heeft geloeft ǁ Jan vercoper voerscr. als principael schulder op hem ende op allen syn goeden die hy nu heeft ende noch naemaels hebben ǁ ende vercrygen sal moegen, Jannen coper voers. tvoirs. huys, hoff, schuer metten gronde erffenis daer aen liggende ende stuck ǁ ackerlandts metten rechte van wegen voers. te waren loss ende vry gelijck men loss ende vry erven schuldich is te waren uuyt ǁ genomen dat hy Jan coper voers. daer uuyt sal gelden een halff mud roggen erffpachts aen Jenneken weduwe wilner ǁ Claeus Stevens met hoeren kynderen te betalen noch een halff mud roggen erffpachts aen Lysbetten weduwe wilner Joest ǁ Berys Eelkens met hoeren kynderen te betalen, noch een lopen roggen erffpachts de tafelen des Heijlichs Geests in Tilborch ǁ te betalen noch anderhalven stuver ende een oirt stuvers erffchyns aen tgoidshuys van Tongerloe des sondaechs nae lichtmisse ǁ opten spyker tot Tilborch jaerlycks te betalen noch anderhalven oirt stuvers erffchyns aen die gezworen van Tilborch te ǁ betalen ende daer toe tsheeren schauwe van den waterlaet lopende neven tstuck ackerlandts voers. tusschen erffenis des ǁ convents van Tongerloe voergen. te onderhouden naeder onder gewoenten Ende heeft voirts geloeft Jan vercoper voirs. ǁ dese vercopen overgeven opdragen affgaen ende vertyen voers. altyt vast ende stendich te houden ende in synen naem te ǁ doen houden sonder eenich wederseggen, ende allen anderen commer ende calangien als op comende altemael aff te doen den ǁ selven Orconden hebben hier over geweest scepenen in Tilborch ende in Goerle Claeus Henricksz. van Ghierle ende Jan ǁ Aerdt Reynbouts zoen die den zegel hons gemeyns scependoms desen brieve [op]en aen hebben doen hanghen int ǁ jaer ons Heeren duijsent vyffhondert zeven ende veertich den derden dach in februario