Brussel (België)

Op heden negenentwintich dagen inde maent April des jaers XVIc vier voir ende ten overstaen ǁ van heer Charles de Bourgoigne heer van Bredam etcetera edelman vanden monde hunder hoegheyden den Eertzhertogen van Oisterwijck etcetera als Stadthouder des souverain leenhoffs van Brabant, ende in ǁ presentie vanden leenmannen naebescreven met naemen Guillam Cuppens ierste leenruider des voirs. leenhoffs Guillam Spysten ierste clerck opte griffie aldaer Jan Tessens Guillam de Goor ǁ ende andere comparerende Willem Willemss. van Esch gesworen bode der stadt Shertogenbosch als procureur speciael ende irrenorable Coenraerdts zoen wijlen Jans Adriaenss. molder bij ǁ hem totter acte naebeschreven expresselijck geconstitueert voirden Secretaris ende Griffier der selver stadt meester Ghijsbert vanden Velde ende zekere getuyghen opten XXIIIen dagh der loopende ǁ maent April, heeft aldaer in dyer qualiteyt te leen verheven inden naem ende tot behoeff des voirs. Coenraerdts Jan Adriaenss. molder sijns constituants bij title van coop tegen Joncker Jacob de ǁ Cock zoen wijlen Jacops gedaen ende volgende der opdraght ende transport voir wethouderen der voirs. stadt Shertogenbosch daernaer ghevolght den vijfthienden Meert XVIC drijen sekeren coren ǁ watermolen metten recht van tgemale der selver ende anderen zijnen toebehoirten ghespleten uuytte goeden geheeten Wolfswinckele gelegen inde prochie van Sint Oedenrode met noch de geregtigheijdt ǁ van aldaer te moghen stellen eenen olimolen doende die voirscreven comparant inder qualiteijt inden naem ende tot behoeff als voirseijdt is hiertoe manschap met hulde ende eedt ǁ van trauwen aen hunne voirscreven hoogheyden onse genadighe heeren ende princen als hertoghen van Brabant etcetera in handen des voirs. heeren Stadthouders betalende voirden [***]eweijde ǁ ende andere rechten ordinaris XX £ VI stuivers arthois Gedaen ende aldus gepasseert binnen der stadt Bruessel ten daghe maende jare ten overstaen ende in presentie alsboven