Tilburg

Jan zoon wilner Jan Mostaerts, Een stuck saeylants van twee loopensaet oft weynich meer groot zynde, gelegen binnen der parochie ǁ van Goorlle, ter plaetse geheyten inde Vensche acker, aldair tusschen erffenisse Jan Gysbert Berys van Oerll metten kynderen deen ǁ zyde ende deen eynde ende tusschen erffenisse der erffgenamen Cornelis Jan Adriaenss dander zyde, streckende metten anderen ǁ eynde tot op eenen waterlaet, daer eenen gemeynen vaerwech tusschen beyde is loopende. soe hy zeyde, heeft hy wittelyck ǁ ende erffelyck vercocht overgegeven ende opgedragen, Matheeusen zoon Peeter Willem Berys van Oerll, met affgaen ende ǁ verthyen als dat gewoonlyck ende recht is, Ende heeft gelooft Jan vercooper voornoomt op hem zelven ende op alle zyne ǁ goeden hebbende ende vercrygende dat voors. stuck saeylants te waren los ende vry, gelyc men los ende vry erffven ǁ schuldich is te waren, ende dit vercoopen overgeven opdragen affgaen ende verthyen voors. altyt vast ende stentich te ǁ houden, ende in synen naem te doen houden sonder ennich wederseggen, ende alle commer ende calaengie daer op comende ǁ altemael aff te doen, behoudelyck dat die voors. Matheeus hier uuyt sall gelden een halff mud roggen tsiaers erffpachts ǁ aen Jan Henrick Janss van Gorp te betalen, ter quytinge staende met vyffentwintich carolus gulden, noch sess loopen rog ǁ gen tsiaers losspachts aen Wouter Jan Adriaen Myss te betalen, ter quytinge staende met twintich carolus gulden, allna ǁ vermoigen der losbrieven daer aff zynde, ende daer toe noch een halff hoen, ende eenen halven capuijn tsiaers gewinchyns ǁ aen … te betalen, Oorconden hebben hier over geweest schepenen in Tilborch ende in Goorlle Cornelis ǁ Claes sone van Gierlle ende Geerardt Henrick Borchmans sone, die den segell hoirs gemeyn schependoms desen brieve ǁ op en aen hebben doen hangen, int jaer ons heeren duysent vyffhondert ende eenent seventich opten twelffsten dach in sep ǁ tember