Brussel

Isabel, Clara, Eugenia bij der gratien ǁ Godts, Infante vanden Coninckrijcken van ǁ Spaignien, hertoghinne van Bourgoignien van ǁ Lothrijck, van Brabant, van Lijmborch, van ǁ Luxemborch, ende van Gheldren, gravinne ǁ van Vlaenderen, van Arthois, van Bourgoignien, ǁ palsgravinne ende van Henegouwe, van Hollant, ǁ van Zeelandt, van Namen, ende van Zuijtphen, ǁ marquise des Heijlichs Rijcx van Roome, vrouwe ǁ van Vrieslandt, van Salins, van Mechelen, van de ǁ stadt, steden ende landen van Uuijtrecht, Overijssel ǁ ende Groeninghen, Allen den ghenen die deze ǁ onse oepene brieven zullen zien oft hooren lesen ǁ Saluijt, Alzoe inden rade van wijlen hoochloffelijcker ǁ memorien, die coninck Philips den tweeden van ǁ dijen naeme, onsen heere ende vadere, wijens ziele ǁ Godt genadich zij; ende nu den onsen, geordineert ǁ in onsen voorscreven lande ende hertochdomme ǁ van Brabant, waere op den twelffsten dach ǁ der maent van junio int jaer XV^C zessentnegenǁtich, van weghen die schouteth schepenen ǁ ende gemeijne ingesetene van Baerle, immediate ǁ onder ons als hertoginne van Brabant, bij ǁ heurlieder supplicatie verthoont ende te kennen ǁ gegeven geweest, in substantie hoe dat zij ǁ eertijden als gedaegde inden voorscreven onsen ǁ rade proces hadden gehadt, tegen d'ingesetenen ǁ van Baerle, onder Breda, ter zaecken van de ǁ ordinarise bede ende gelijcke lasten daermede ǁ die voorscreven ingesetene van Baerle onder ǁ Breda die voorscreven supplianten alsdoen ǁ wilden belasten, vanden erffgoeden die zij ǁ aldaer onder Breda waeren besittende, daer ǁ teghen die voorscreven supplianten alsdoen voer ǁ heure principale defensie hadden gheallegeert, ǁ dat partijen bij gemeijnen consente over memorie ǁ van menschen, de ordinarise bede ten laste ǁ van henne ingesetene elck respective hadden ǁ getaxeert, oick vanden goeden die zij onder malcanǁderen waeren hebbende, Soe dat die van Baerle ǁ onder ons bij de voorsaeten der supplianten altoos ǁ gesedt ende getaxeert waeren, oick van den ǁ goeden hen toebehoorende, ende die zij besittende ǁ waeren, onder Breda, ghelijck d'ingesetene ǁ onder Breda oick gedaen hadden, ter zaecken ǁ vande ghoeden die zij immediate hadden, onder ǁ ons, welcken aengaende zoe verre was geproǁcedeert dat partijen waeren geappoincteert ǁ te schrijven bij feijten, naeden welcken waeren ǁ de zelve partijen bij transactie minnelijck over ǁ commen op den tweentwintichsten dach junij ǁ int jaer XV^C eenentzeventich, te weetene ǁ dat de settinghe ende contributien zouden gedaen ǁ wordden in der vueghen hier voere verhaelt, ǁ uuijtgenomen die ghoeden die partijen onder ǁ malcanderen hadden vercreghen, bijnnen vier ǁ jaeren voor date van den voorcreven accorde, off doen ǁ alnoch zouden commen te vercrijghen, daer aff ǁ zij zouden getaxeert wordden, ende die bede ǁ betaelen ter plaetsen daer die geleghen waeren ǁ ende dat oick die ghene die tot doen toe, bij deen ǁ off dandere hadde gecontribueert, metten ǁ zelven zouden blijven contribuerende, welck ǁ accort soude dueren den leven lanck vanden persoon ǁ  tselve geteeckent hebbende, ende zoelanghe ǁ als den naecommelinghen tselve gelieven zoude ǁ dwelck bij partijen daer naer tot doen noch toe ǁ waere geachtervolcht, ghelijck oock vele ǁ persoonen tvoorscreven accort geteeckent ǁ hebbende, ter eenre, ende ter andere zijden, ǁ In leven waeren zonder dat oick tvoorscreven ǁ contract oijt waere gerevoceert, ghelijck ǁ ick duerende den leven vanden voorscreven ǁ persoonen nijet en zoude konnen ghedaen ǁ wordden, ende in allen gevalle zouden moeten ǁ achtervolgen de voorscreven oude possessie, ǁ ende hoewel dijen aengemerckt, den voorschreven ǁ ingesetenen van Baerle onder Breda nijet ǁ geoirlooft en waere, teghen de voorschreven oude ǁ  immemoriaele possessie ende transactie daer ǁ naer gevolcht te doen off te commen, soe ǁ hadden zij nochtans als doen in de voorscreven ǁ bede geseth Henrick Snels, Adriaen Peeter ǁ Lenaerts, Jacop Franssen, Janne Dierick ǁ Merttens, Jacop Ghijsbrechts van Olmen ende ǁ vele meer andere ingesetene van Baerle ǁ onder den hertoge, ter zaecken vanden ghoeden ǁ die zij onder Nassauw hadden liggende, ende ǁ aldaer toests waeren labeurende daeraff ǁ men altoos gewoonlijck waere geweest de ǁ bede te settene, ende te betaelene, onder de hertoge ǁ voorscreven, Ende hoe wel hen onghelijck dijen ǁ aengaende genoech waere bewesen, ghelijck ǁ hen tselve oick kennelijck ghenoech waere, zoe ǁ en wilden zij nochtans doen alnoch nijet ophouden ǁ meijnende de voorscreven feijtelijcke settinghen ǁ ende executien al te continueren, ghenoech in ǁ vindicte, zoet schene vanden processe, dwelck zij ǁ in den voorcreven rade teghen die voorscreven supplianten ǁ waeren sustinerende, ende surceantie aldaer ǁ verworven, nopende de settinghen vanden conitributie ǁ die oick anders nijet dan op den ouden voet van den ǁ bede en behoorde ter eenre ende ter andere ǁ zijden, ghesedt off getaxeert te wordene, ǁ ghelijck die voorscreven supplianten dat oick ǁ in der voorscreven zaecken claerlijck hadden doen ǁ blijcken, bij den thoon aldaer geproducheert, ǁ ende daer naer die zelve supplianten hen altijts ǁ hadden gereguleert, Ende daerom ende dat ǁ daeraff promptelijck waere blijckende, Soe hadden ǁ die voorscreven supplianten den voorscreven onsen ǁ rade oitmoedelijck gebeden dat hen gelieven wilde ǁ daerop te verleenen provisie van oepene brieven ǁ bijde welcke den voorscreven ingesetenen onder Breda ǁ zoude wordden bevolen, ende geordineert de voorscreven ǁ settinghen ende taxatien vanden bede in prejuditie ǁ van tvoorscreven oudt gebruijck enden transactie ǁ gedaen, met tgene des daeraff dependeerde ende ǁ naergevolcht waere, costeloos ende schadeloos ǁ  te casseren, repareren, aff doot ende nijeuw te ǁ te doene, ende hen te verdraghen van ghelijcke ǁ settinge off taxatie meer te doene, ende tot dijen ǁ te betaelen die costen vanden voorscreven brieven, ǁ ende presentatie der zelver, nisi causam, daerast ǁ zij den voorcreven onsen rade bijnnen zeeckeren cortten ǁ tijt zouden adverteren, houdende ende doende onderǁtusschen houden alle voordere settinghen ende ǁ taxatien in state ende surceantie, welcke supplicatie ǁ in den voorcreven onsen rade gesien, waere bij ǁ appoinctemente op de marge der zelver ghestelt, ǁgeseeght geweest, dat die zoude wordden ǁ gecommuniceert die voorcreven ingesetene van Baerle ǁ onder Breda, Om daerop te seggene hen goetduncken ǁ verhoudende bijnnen middelen tijde, ende doende ǁ verhouden alle voordere settingen ende taxatie ǁ inde voorscreven requeste geruert in state ǁ ende surceantie, tot dat henne rescriptie gesien ǁ anders bij den voorscreven onsen rade zoude wesen ǁ geordineert, Ende wesende dijen achtervolgende ǁ die voorscreven supplicatie gecommuniceert ǁ aen de voorscreven ingesetene van Baerle, onder Breda ǁ waere op den achtentwintichsten augustij  ǁ int voorscreven jaer zessentnegentich van hunnen ǁ twegen op ende aengaende d'inhouden der zelver ǁ supplicatie gerescribeert off geantwoordt ǁ geweest, in gescrifte, ende midts den redenen ǁ ende middelen daerbij geallegeert versocht ǁ ende nijettemin gesustineert dat zonder eenige ǁ voordere communicatie, affdoende die voorscreven ǁ surceantie op de voorscreven requeste zoude worden ǁ gestelt nihil. Condempnerende die voorscreven ǁ supplianten in de costen daeromme gedaen, ende ǁ te doene schaden ende interesten, midts der ǁ executie die den rentmeester Mansdale ten laste der ǁ voorscreven rescribenten doen noch tegenwoordich ǁ waere doende, bij gebreke van voldoeninghe, ǁ van heuren taux die zij nijet en consten opbringen ǁ bij gebreke van betalinge van de persoonen ǁ

in de voorscreven requeste geruert, ende meer ǁ andere onder de voorscreven supplianten begrepen, ǁ ende ingevalle van communicatie (desmen hoopte ǁ neen) dat indien gevalle den voorscreven supplianten ǁ van gelijcken zoude wordden geordineert alle ǁ voordere settingen tauxatie ende executien ǁ tegen den rescribenten te houden ende doen ǁ houden, in staete ende surceantie, in ende op al ǁ implorerende d'offitie van den voorscreven ǁ onsen rade, welcke rescriptie in tgeen op ǁ in den voorscreven onsen rade gesien, waere bij ǁ appoinctemente van den selven onsen rade ǁ op de marge der zelver gestelt, geseeght ǁ geweest, dat de zelve metten stucken daermede ǁ geexhibeert zoude wordden gecommuniceert ǁ den voorscreven schouteth schepenen ende ǁ ingesetenen van Baerle onder den hertoghe ǁ om daerop bij forme van replijcke te seggene ǁ hen goetduncken, affdoende bijnnen middelen ǁ tijde ende zonder prejuditie vanden verzuecke ǁ bij de voorcreven requeste der supplianten ghedaen ǁ de surceantie den twelffsten junij doen ǁ lestleden hen geaccordeert, in respecte vanden ǁ settinghe van de ordinarise bede ende voorscreven ǁ rescriptie naerdere geruert, welcke rescriptie ǁ off antwoorde den voorcreven supplianten volghende ǁ den voorscreven appoinctemente van den voorcreven ǁ onsen rade gecommuniceert zijnde, waere ǁ daernae van heuren tweghe daerteghens ǁ gedient geweest, van scriftelijcke replijcke ǁ ende midts den redenen ende middelen daer inne ǁ begrepen, ende meer andere van rechts ende ǁ offitie weghen te suppleren, Gecontendeert ǁ ten eijnde dat die voorscreven rescribenten zouden ǁ schuldich zijn hen te verdraghen van te setten ǁ in onse bede de goeden toebehoorende den ingheǁsetenen van Baerle onder den hertoghe, zoo ǁ wel tot Baerle onder Breda als onder den ǁ hertoge geleghen, ende de zelve daer aff ǁ te laeten vrij ende onbelast, ende dat voorts ǁ die voorschreven rescribenten alle settinghen ǁ ende executien ter contrarien ghedaen schuldich ǁ zouden zijn, costeloos ende schadeloos te ǁ casseren, revoceren aff doot ende tenijete ǁ te doene, ende die te repareren ende in ǁ voorgaenden staet te stellene, ghelijck zij ǁ supplianten van hunderzijden oick tevreden ǁ waeren, vrij ende ombelast, van den voorscreven ǁ bede te laeten de ghoeden der voorschreven ǁ rescribenten tot Baerle onder den hertoghe, ǁ off dat anderssints in ende op al recht ende ǁ justitie zoude wordden ghedaen, ghelijck ǁ den voorscreven onsen raedt in goeder justicie ǁ zoude bevinden te behoorene, maeckende insgelijcx ǁ heijsch van costen, schaden ende interesten, ende ǁ dat nijettegenstaende den appoinctemente op de ǁ rescriptie der rescribenten gestelt, de voorschreven ǁ surceantie soude stadt grijpen, ofte van nijeuws ǁ wordden geaccordeert, Off dat de voorscreven ǁ exemptie den voorscreven supplianten ten minsten ǁ bij provisie zoude wordden aengewesen, oick metten ǁ costen, verzueckende dat den voorscreven ǁ rescribenten geordineert zoude wordden te ǁ supliceren ende op als tantwoorden, ende van ǁ heurer zijden oick pertinente conclusie te ǁ nemen, Ende die voorscreven rescribenten daer ǁ op gedient hebbende van scriftelijcke duplijcke ǁ seijden dat zij nijettegenstaende dinhoudt ǁ van de selve replijcke ende conclusie daerbij ǁ genomen, volgende den appoinctemente op de marge ǁ van de selve requeste gestelt, concluderen ǁ ende contenderen ten eijnde dat bij vonnisse ǁ van den voorscreven onsen rade zoude wordden ǁ geseeght, ende verclaert voer recht dat die ǁ voorscreven requeste der supplianten waere ǁ  surreptijs ende obreptijs ende dat die zelve ǁ supplianten, om daer uuijt geconcludeert ende ǁ gecontendeert te hebbene in maeten ende vueghe ǁ ghelijck in tselve bij henne nijeuwe conclusie ǁ int eijnde van de voorscreven replijcque genomen ǁ hadden ghedaen zoe ende provisie als anderssints ǁ nijet en waeren ontfangbaer, maer dat den ǁ affghedaene surceantie zoude blijven, ende dat ǁ de voorscreven rescribenten hunne settinghen ǁ vanden beden ghelijck zij dezelve tot doen toe ǁ hadden gedaen, zouden moghen continueren, ǁ ende die gebrekelijcke executerende maeckende ǁ wederomme heijsch van costen, In ende op al ǁ implorerende doffitie van den voorscreven ǁ onsen rade, welcke duplijcke in den voorscreven ǁ raede gesien waere op den derthiensten ǁ januarij int jaer XV^C zevenentneghentich ǁ bij appoinctemente op de marge der zelver gestelt ǁ geseeght geweest, dat die zelve zoude worden ǁ gevueght totten principalen processe, om ǁ simul et semel, recht gedaen te worddene ǁ zoemen zoude bevinden te behoorene, Doen te ǁ wetene, dat gesien ende gevisiteert wel ende ǁ int langhe inden voorcreven onsen rade van Brabant ǁ die requeste bij de voorscreven supplianten aldaer ǁ gepresenteert, den voorscreven twelffsten ǁ junij int jaer XV^C zessentnegentich, metter ǁ rescriptie der voorscreven rescribenten, daer ǁ tegens gedient, replijcke, duplijcke der ǁ voorscreven partijen, ende andere stucken daer ǁ bij respective gevuecht, metten appoinctementen ǁ op de voorscreven duplijcke gestelt, daerbij ǁ geseght is, dat de zelve stucken souden worden ǁ gevueght totten principaelen processe ǁ der voorscreven partijen, om simul et semel ǁ recht ghedaen te worddene, Ghesien oick ǁ die conclusien der voorscreven partijen, in ǁ hunne replijcke, ende duplijcke, respective ǁ genomen, ende op al wel ende rijpelijck ghelet ǁ met oick geconsidereert tgene desmen in ǁ desen behoorde te considererene, Ende dat ǁ zoude hebben connen ende moghen gemoveren, ǁ Wij bij goede ende rijpe deliberatie van rade ǁ recht doende hebben geseeght ende vercleert ǁ ende bij desen onsen uuijterlijcke vonnisse ǁ seggen ende vercleren voer recht, dat die voorschreven ǁ supplianten inde conclusie bij hen als voere ǁ genomen nijet en zijn ontfangbaer, maer zullen ǁ de beden in questien betaelt wordden, ten ǁ respecte van de goeden ende gronden van erffnen ǁ ter plaetsen daer de zelve goeden off gronden ǁ van erffnen geleghen zijn, volghende der ǁ instructie opt lichten van de zelve beden gemaect ǁ die costen van dezen midts redenen ǁ compenserende, Ende des toirconden hebben ǁ wij den zeghel van den voornoemde wijlen hoochǁloffelijcker memorien die coninck Philips ǁ tweede van dijen naeme, onsen voornoemde heere ǁ ende vadere, hieraene doen hanghen, den welcken ǁ wij zullen gebruijcken ter tijt toe den onsen ǁ zal wesen gemaeckt, Degenen ende zoe ǁ uuijtgesproken in onser stadt van Bruessele ǁ den naestlesten dach der maent van januario ǁ int jaer ons Heeren duijsent vijffhondert ǁ negenentnegentich ǁ Bij haere hoocheijt ǁ In haeren rade ǁ [***] ǁ

In dorso:

Numero 24 ǁ 1^e januario 1599 ǁ solvit Adriaen Godschalck van ǁ Ghilse, voor de rescribenten, voer ǁ desen vonnisse mette zijn d'coord ǁ XV guldens X stuivers ǁ [***]expeditione 1 gulden VI stuivers ǁ  [***] ǁ