Vindplaats van het origineel
Regionaal Archief Tilburg, toegangsnummer 1428, Charterverzameling Tilburg (en Goirle, Berkel-Enschot en Udenhout), inv.nr. 187
4 maart 1535
Samenvatting oorkondetekst
Akte van verkoop door Huybrecht, zoon van wijlen Henrick Ariaens en Gherit, zoon van wijlen Jacob Huyben, als voogden, en Aert, zoon van wijlen Henrick Aertss., als toeziend voogd van Vrancken, zoon van wijlen Anthonis Vrancken, kinderen van Anthonis Vrancken en Maryen, dochter van wijlen Henrick Aeriss., aan Quirynen, zoon van wijlen Peter Bertouts, van goederen te Goirle en elders.
Transcriptie
Huybrecht zoen wilner Henrick Ariaens ende Gherit zoen wilner Jacob Huyben als mombaers ǁ ende Aert zoen wilner Henrick Aerts. als toesiender van Vrancken zoen wilner Anthonis Vrancken on ǁ mundich ende nyet tegenwoirdich synde, dien Anthonis voirscr. gewonnen ende vercregen hadde by wil ǁ ner Maryen synder huysvrouwe dochter wilner Henrick Aerts., Dair sy mombairs ende toesiender ǁ voirscr. voer instaen ende geloeft hebben allen syn recht, actie, ende gedeelt in allen havelyc ǁ ken ende erffelycken gueden die den onmundigen kynde voirscr. aencomen ende verstorven moch ǁ ten wesen van wilner Anthonisen synen vader ende wilner Maryen synder moeder voirscr. soe ǁ waer die gueden voirscr. gelegen mogen wesen eest in haerden in weeken in diepen oft in ǁ droegen oft soe waermen die in des kynts voirscr. naem bevynden sal mogen binnen der ǁ prochien van Goerle oft buyten der prochien voirscr. soe sy seeden, hebben sy wittelycke ǁ ende erffelycken vercoft overgegeven ende opgedragen Quirynen zoen wilner Peter Bertouts ǁ met affgaen ende vertyen als dat gewoenlycken ende recht is, Ende hebben geloeft die ǁ voirscr. mombaeren ende toesiender als principael schulderen op hun ende op allen hun gueden ǁ die sy nu hebben ende noch hebben ende vercrygen sullen moegen dit overgeven opdragen affgaen ǁ ende vertyen voirscr. altyt vast te houden ende in des voirscr. onmundige kynde naem te doen ǁ houden sonder ennich wederseggen ende allen commer ende calaengien van des kynts voirscr. ǁ wegen dair inne wesende altemael aff te doen den selven, uuytgenomen dat Quiryn ǁ voirscr. den kynde voirscr. dairn jairlycks uuyt sal gelden ende betalen vyffendartichstalven ǁ stuver erffchyns die te loss sullen staen met eenendartich karolus gulden nae inhoudt ǁ der brieven dair aff synde, Oirconden hebben hier over geweest schepenen in Tilborch ende ǁ Goirle Laureys Henrick Zwysen zoen ende Joest Berys Eelkens zoen die den zegel hoirs ǁ gemeyns scependoms desen brieve op en aen hebben doen hangen inden jaer ons heeren du ǁ sent vyffhondert vyff ende dartich den vierden dach inden meert.
Dorsale aantekening:
Quirijn Peter Bertouts