Tilburg

Heer Florys sone wilner Ghysbrecht Florys sone priester als rectoer Onsen Vrouwen ende ǁ Sinte Kathelinen outaer in den kerken van Tilborch uut machten hem van den archidiaken ǁ van Kempelant in den hove van Ludick ghegheven een stuck lands den voers. rectoer ǁ toebehorende twee lopensaet oft daer omtrent begrypende gheleghen in den prochien van ǁ Tilborch tusschen den erffenisse Peters sone wilner Willems vander Schueren op die een ǁ zyde ende metten enen einde ende tusschen den erffenisse Peters voers. ende Adriaen Roelofs op die ǁ ander zyde hodende metten anderen einde aen den erffenisse Merten Velthovens als hy zeede ǁ heeft hy tot enen erfchiins uutghegheven Peteren voers. te weten voer enen jaerlyken ǁ ende erfelyken chiins van ses ende enen halven ouden groten te vergelden enyeghelyken ǁ jaer erfelyken op Siinte Andries Daghe Apostels van Peteren voers. ende van sinen nae ǁ comelinghen des rectoer voers. ende sinen nacomelinghen rectoren des altaers voers. ǁ daer uut te ghelden ende heeft gheloeft heer Florys voers. als een principael sculder op ǁ die verbintenisse allen des altaers gueden dit voers. stuck lands den voers. Peteren ǁ te waren al sinen erve sculden is te waren voer den chiins voers. ende allen anderen com ǁ mer ende calangie daer in wesende altemael af te doen den selven ende om meere

zelver heer den voers. rectoer van den voers. chiinche te doen alsoe heeft Peteren voers. ǁ den voers. rectoer tot enen bypande gheset een stuck lands vier lopensaet oft ǁ daer omtrent begrypende gheleghen aldaer tusschen tvoers. stuck lands op ǁ die een zyde ende tusschen den erffenisse Jans Bouten op die ander zyde ende tvoers. stuck ǁ lands metten anderen stuck lands voers. in den voers. chiins vast ende ewelyc verbonden ǁ Oirconden hebben hier over gheweest schepenen in Tilborch ende in Goerle Jan Peyman ǁ ende Wouter Ghysbrechts sone van Goerle die den zeghel hoers ghemeins scependoms ǁ desen brieve open aen hebben doen hanghen int jaer Ons Heeren dusent vierhon ǁ dert ende vyf ende tachtentich twelf daghe in septembris.

Dorsale aantekening:

Heer Florys Ghysbrechts ǁ eenen shijns van sess ende eenen halven ouden groot.