Vindplaats van het origineel
Tilburg, Regionaal Archief Tilburg, toegangsnummer 2649, Charterverzameling Geertruidenberg en Raamsdonk, inv. nr. 56.
20 februari 1486
Samenvatting oorkondetekst
Akte van overdracht, gepasseerd voor schepenen van Geertruidenberg, door Jan Molener Boudensz., als heilige-geestmeester te Geertruidenberg, aan Cornelis Danielssoen van een erf, gelegen in die veenstraet te Geertruidenberg tegen een jaarlijkse cijns van 1 gulden.
Transcriptie
Wii Iacob Ghiisbrechs z. ende Goyvaert Aertsz. scepenen in Sinte ǁ Geertrudenberge doen condt allen luden dat voir den ǁ rechter ende voir ons is comen in eenre gebannen vierscaer ǁ Ian Molener Boudensz. als heylichgeestmeester bynnen onser ǁ stede bii consent ende guetdencken des gerechts ende ǁ verliide Cornelis Daniels soen een erve gelegen in die ǁ Veenstraet tuschen Griet Goriis erve oestwaert ende tuschen ǁ Ian Korstiaens soens huys ende erve westwaert om enen ǁ gulden tsiaers van tien stuvers te betalen alle iare op Onser ǁ Vrouwendach Lichtmisse in deser manieren en worde ǁ desen chiins niet betaelt alle iare totten termiin voirnoemt ǁ soe mach die thoener des briefs dat voirs. erve verbieden ǁ ende vrygheven als een kistpant des soe mach men desen ǁ voirs. chiins off verleggen op ene anderen zekeren vriien onderǁpant die alsoe goet is als desen buiiten des heylichgeest ǁ cost bii priisinge van scepenen in oirconde desen brieve ǁ besegelt mit onsen segelen int iaer Ons Heren dusent ǁ vier hondert zesse ende tachtentich opten twintichsten ǁ dach in februario
Dorsale aantekening:
op Cornelis Daniels op siin erffeliick, nu Hendrick ǁ Dircx ende daer nae Adrian Ianss daer nae Soot vanden ǁ Geliins daer nae Lenert Schouten nu Ian Matiis van