's-Hertogenbosch

Alsoo Jan sone wijlen Adriaens Janssen molder tot Tilborch hadde wittelick ende erffelick vercoft ǁ Daniel Goijarts vanden Graeft ten behoeve van Adriaen van Meerwijck, eenen jaerlicken ende erffelicken chijns van seven ende ǁ twintich carolus gulden tot twintich stuijvers goets gancbaers gelts elcken gulden gereeckent, Te betaelen alle jaer erffelick ǁ opten eersten meert, ende binnen sHertogenbossche vrij naer inhoudt vanden constitutiebrieff te leveren ende te vergelden van ende uut een stuck weijlants ǁ groot omtrent vier loopensaten gelegen onder de parochie van Tilborch omtrent de corvelsche rosmolen aldaer, tussen erve vanden wedue ǁ Jacob Aertssen oistwarts aen d'een sijde, ende tussen erve Johachims Janssen Verschueren westwarts aen d'ander sijde, Ende alnoch van ende uut een ǁ huijs hoff mitten gronde ende erffenisse daeraen liggende ende daertoe behoirende elff loopensaten oft daer omtrent begrijpende oft soo groot ende ǁ cleijn t'selve gelegen is binnen de parochie van Tilborch voors. ter plaetsen geheeten Corvel, tussen erve Henrick Janssen van Pelt aen d'een ǁ sijde, ende tussen erffenisse der erffgenamen des heere Barons van Grobbendonck met jouffrouwe Anna van Hambroeck aen d'ander sijde, gelijck ǁ in scepenen brieven der stadt sHertogenbossche daer aff gemaeckt breeder staet begrepen, wesende vander date den sesten meert Anno ǁ XVIC vijffenveertich, Soo is gestaen voor scepenen ondergescreven Adriaen sone des voors. Jans sone wijlen Adriaens Janssen ǁ molder als wittich man ende momboir van Ida sijne huijsvrouwe dochtere Jans Beris van Oerle, ende heeft deselve tot meerder verseeckeringe ǁ vanden betaelinge des voors. chijns van sevenentwintich gulden jaerlicx ende tot meerder versterckinge vanden voors. onderpanden gestelt tot ǁ bijpanden de naebeschreven parceelen van goederen, te weten de helfte ongedeijlt van een stuck saijlants geheten de Groenvelden groot int geheel ǁ vierdalff loopensaten oft daer omtrent gelegen onder de heerlickheijt van Tilborch de weste sijde tot Corvel achter de molen aldaer, tussen ǁ erve Cornelisen Wouters de Bont aen d'een sijde, ende tussen erve Anthonis Aert Greven aen d'ander sijde, Item de helft in eenen beempt omtrent ǁ sestien loopensaten int' geheel groot sijnde, gelegen onder de voors. parochie van Tilborch inde Nieuwvelden ter plaetse genoemt het ǁ Voorbroeck, tussen erve Jans Cornelisen de Wijse d'een sijde, ende tussen erve der wedue ende kinderen Jacob Spronck aen d'ander  sijde, streckende ǁ vanden Langendijck tot de gemeijnte van Tilborch aldaer, Item de helft van een stuck lants eensdeels ackerlant, eensdeels weijlant, ende ǁ eensdeels heijlant omtrent thien loopensaten int geheel groot sijnde, gelegen onder de parochie voors. inde groote Heijningen, tussen erve Jan ǁ Cornelisen d'een sijde, ende tussen de gemeijnte d'ander sijde, streckende van erve Arien Schoffers tot op erve Jan Cornelissen voors., Ende ǁ alnoch de helfte van een stuck saijlants gemeijnlick genoemt den Steltacker omtrent twee loopensaten ende een quartier int geheel ǁ groot sijnde, gelegen onder de voors. parochie van Tilborch inde Corvelsche ackeren aldaer, tussen erve der wedue Mathijs Joosten, d'een sijde, ende tussen ǁ erve Jan Henrick Beris d'ander sijde, streckende van erve Jacob Lamberts Sbeckers tot op erve des voors. Jans Cornelissen de Wijs, ende heeft de voors. ǁ comparant de voors. gedeelten inde voors. parceelen van goederen voor de betaelingen des voors. chijns van sevenentwintich gulden jaerlicx, ǁ geaffecteert, verbonden ende gerealiseert, gelijck hij deselve daer voor wittelick ende erffelick affecteert verbint ende realiseert mits desen, Geloevende ǁ deselve comparant als sculdenaer principael op verbant van sijnen persoon ende alle sijne goederen present ende toecomende dat hij den voornoemde van  ǁ Meerwijck vanden voors. chijns van sevenentwintich gulden sculdige ende gerechte sal doen warantschap, Ende dat hij d'onderpanden voor de betaelinge ǁ desselffs chijns den voorn. van Meerwijck jaerlicx daer uut, als voor, te vergelden altijt goet genoch ende welduegende sal maecken ende houden, getuijgen ǁ waeren hier over scepenen in s'Hertogenbossche Gijsbert Kuijsten ende Govart van Casteren, Gegeven den sesten dach der maent Junij ǁ int' jaer ons heeren duijsent sesshondert drijenvijftich

A Ruijsch

Dorsale aantekening:

[***] den gelofte tot ǁ lasten van mijne rente ǁ van 27 gulden jaerlicx