Tilburg

[Wille]m zoon wilner Jan willem Aertss byden selven Jan ende uuyt wilner Anna zyn huysvrou dochter wilner Jacob Willem Melis tsamen verwect ende vercregen zynde, een stuck erffs tot weye ǁ [***] heye liggende, drye loopensaet oft daer omtrent begrypende, gelegen binnen den parochie van Goorlle, ter plaetse geheyten inde Thienvoort, aldaer tusschen erffenisse ǁ [Adri]aen Henrick Aben deen zyde, ende tusschen erffenisse Jan Jacob Willemss met meer anderen dander zyde, streckende vanden erffenisse Joost Gerit Denys Meynaerts, totter ǁ [gem]eynte van Tilborch ende van Goorlle zoe hy zeyde, heeft hy wittelyck ende erffelyck vercocht overgegeven ende opgedragen, Anthonisen zoon wilner Aert Reinels(?), tot behoeff  ǁ [***] enaert soon wilner Herman Jan Adriaens, met affgaen ende verthyen als dat gewoonlyck ende recht is, ende heeft geloeft Willem vercooper voorn(oemt) op hem selven ende ǁ [op al]le syne goeden hebbende ende vercrygende 'tvoors. stuck erffs te waren los ende vry, gelyc men los ende vry erven schuldich is te waeren, ende dit vercoopen overgeven ǁ [opd]ragen afgaen ende verthyen voors. altyt vast ende stentich te houden, ende in zynen naem te doen houden sonder ennich wederseggen, ende alle commer ende calaengie ǁ [daer] op comende altemael aff te doen, behoudelyck dat men daer vuijt sall ge[lden] een smaelhoen ende eenen tuijn tsiaers gewinchyns aen meester Henrick Oliviers op ǁ [***] dach te betalen, Oorconden hebben hierover geweest scepenen in Tilborch ende in Goorlle Cornelis Claes sone van Gierlle, ende Geerardt Henrick ǁ [Borc]hmans sone, die den zegell hoirs gemeyn schependoms desen brieve op en aen hebben doen hangen, int jaer ons heeren duysent vyffhondert ende eenen ǁ [sev]entich, opten twelffsten dach in september. folio 16