Vindplaats van het origineel
Tilburg, Regionaal Archief Tilburg, toegangsnummer 1428, Charterverzameling Tilburg, inv. nr. 8.
9 juni 1450
Samenvatting oorkondetekst
Akte voor schepenen van Hilvarenbeek, waarbij Willem Hubrechs Ryetmakers soen belooft te betalen aan Boudewyn Henrick Yden soen, een jaarlijkse erfpacht van een mud rogge uit een dries en een hof, gelegen in de nabijheid van baesscot.
Transcriptie
Wii Ian vanden Bekerdiic ende Ian van Gorpe Peters soen scepenen in Beke tugen onder onsen ghe ǁ meynen zegel dat voir ons is comen Willem wilnere Hubrechs Ryetmakers soen ende heeft gheloeft ǁ te ghelden ende te betalen iairlics ende erfeliken Boudewynen wilnere Henrick Yden soen een mudde ǁ roggen iairlics ende erfelics pachs der maten van Beke alle iair op onser vrouwen dach licht ǁ misse uut ende van enen dryeschs met enen hove dair aen ghelegen streckende ter straet ǁ uut tot Baesscot den dryeschs ghelegen neven der erfenis Willems voirs. deen zide ende neven ǁ erfenis Thiis Mathiis Brueders soen dander zide ende den hof ghelegen neven der erfenissen ǁ Henrics Ian Dyercs soen deen zide, ende deen eynde, ende neven der erfenis Gheriit [***]ǁ zide hodende dander eynde aenden voirs. dryeschs als sii seyden ende heeft gheloeft Willem ǁ voirs. op hen ende op allen siin goet dat hii heeft ende cryghen mach dit voirs. mudde roggen ǁ erfpachs den voirs. Boudewynen te waeren teuwigen dagen alsmen erfpacht is sculdi[c] ǁ te waren ende die voirs. onderpande den selven Boudewynen altiit goet zeker ende wael ǁ dogende te maken vanden erfpacht voirs. Gegeven int iair Ons Heren dusent vyerhondert ǁ ende viiftich neghen dage in iunio