Oisterwijk

Wouter zoen wilner Roeloff Peynenborchs Henrick Appels Hermanss [***] zoen wilner Wouter Sgreven [***] ende kerckmeesteren ǁ der fabricken vande parochie kercke van Oisterwyck inden name ende [***]wigen der selver kercken met [***] vanden persoon [***] ǁ ende scepenen van Oisterwyck voirs. als zy seechden eenen jairlicken ende erffelicken chijns van dorddalven Rynsgulden twentich stuiver ǁ voir elcken Rynsgulden gerekent in paymende als ten termynen elcke betalinge inde stat vanden Bossch [***] ǁ te betaelen alle jair erffelick op Sinte Peters dach ad cathedram uuyt ende van eenen huyse ende [h]ove met alsyne gronde ende toebehoerten ǁ ende vuyter erffenisse dair aen liggende ende dair toebehoerende een mudtsaet lants oft dair omtrent [***] gelegen in [***] pa ǁ rochie van Haeren ter plaetsen geheyten ten Belveren aenden [Nuwen]huys [***] tussen erffenissen Gerits voirs. Ende de kijnderen Wilner Wou ǁ ters Priems aen deen zyde, ende tussen erffenisse toebehoerende totter hoeven geheyten ter meer van der weduwe wilner Robrechts ǁ van Vlierden met haeren kynderen aen dandere zyde noch uuyt eenen stuck lants drie lopensaet oft daer ontrent begripende gelegen ǁ ter plaetze voirs. ontrent der capellen van Sinte Marten, tussen erffenisse der erffgenamen wilner Laureys Loyen aen deen ǁ zyde ende tussen erffenisse Thomas Henrick Maessen aen dander zyde noch uuyt eenen stuck beempts geheyten t Appelaer ǁ een halff buender oft dair omtrent begrypende gelegen ter plaetsen voirs. tussen erffenisse Lambert Appels aen deen zyde, ende ǁ tussen erffenisse Cornegont Groys aen dander zijde, Item noch uuyt alle zyne anderen erffelicken gueden soe wair ende tussen wiem die gelegen ǁ zyn eest in harden in weken in diepen oft in drogen welcken chyns aen Geritssen van Laerhoven gelt oft hadde als sculdenaeren princi ǁ pael te betaelen Katharijnen dochtere wilner Arnts vanden Eynde als in Scepenen brieven van Oisterwyck daer op gemaict volcomelick is be ǁ grepen, ende welcken chyns van dorddalven Rynsgulden voirs. die voirs. Katharynen vanden Eynde der voirs. fabricken in haeren testamenten ǁ leste ende uuytersten wille gelaeten hadde, als zy seechden in eenen openbaeren testamenten daer op gemaicte breeder begrepen te zyne hebben ǁ zy wittelick ende erffelick opgedragen ende overgegeven Anthonissen zoen wilner Jans Jacopssen tot behoeff der Broederschappen ǁ van onser liever vrouwen inder voirs. kercke van Oisterwyck, tzamelyck metter voirs. brieven ende metten alingen Recht d[er] voirs. ǁ fabricken daer inne enichssins competerende helmelinge daer op verthiende in manieren indien gewoenelick zynde, gelovende die voirs. ǁ fabryck meesteren ende opte verbyntenisse van allen den gueden der voirs. fabricken nu hebbende ende namaels crygende voirs. opdragen ende over ǁ geven vast ende stedich te houden ten ewigen daigen zonder enich widerseggen ende allen commer ende kalancken ewigen des voirs. [chyns wesende] ǁ altemael aff te doende oirconde hebben hier over geweest scepenen in Oisterwyck Henrick Appels Hermanss ende Claes die Beer Petersssen gegeven opt ǁ seventhiensten dach der maent van decembri, int jaer ons heeren duysent vyffhondert negen ende dartich

Dorsale aantekening:

B

[***] wilner Jans Jacopss t inden ǁ Broederscappen van Oisterwyck ǁ [***]