Oosterhout

Wij Jan Peeter Ghijselsz. ende Bernart Jansz. vander Spout scepenen in Oisterhout ǁ oirconden dat voor ons quam, Quirijne Adriaen de Raets weduwe met Adrianen Thonis ǁ Rooversz. heuren voocht, heur met recht gegeven, ende lijde dat sij vercoft heeft ǁ om een somme van gelde die huer vol ende al betaelt is, Gerijden van Arckelens, ǁ de stede, huijs ende hoff, metten lande daer ane gelegen houdende omtrent ǁ vijff loipensaet, in desen doorgesteken scepenen brieve begrepen, tot alsulcke ǁ plaetse gelegen, met alsulcken commer ende waernisse, ende voort in aller der ǁ selver voorwaerden ende manieren als de brief inhout ende begrijpt, daer dese ǁ brief met onsse zegulen besegelt doorgesteken is in welcke vercofte stede ǁ huijs ende hof, ende inden lande daer ane gelegen, de voornoemde Gerit van Arckelens ǁ gevest is ende geerft met vonnis ende met recht, soo datse hem seker is ǁ ende vast, met voorwaerde dat hij hier af zal moeten doen ende gelden In ǁ alle scoten, beden, ende gebuerlijcke rechten tot Oisterhout voors., In orconden ǁ desen brieve met onse zegelen besegelt int jaer ons heeren duijsent ǁ vijfhondert achtenvijftich zesthien daegen in meije luijdicx ǁ