Raamsdonk

Ick Pieter Janssoen richter inden Ambocht tot Raemsdonck ende met mij Ariaen Geretssoen Derc Arienssoen Jan Mathijssoen Ariaen Ghijberssoen ǁ Jan Andriessoen Ariaen Ariaenssoen ende Pieter Janssoen Staessen alle heemraders Inden selver Ambocht voerscreven orcunden ende kennen dat voer ons ǁ quam In een gebannen vierschaer Wouter Mathijssoen als gemachtich van Pieter Henricxssoen van Baerle diemen noempt Pieter Spronck van ǁ Breda als man ende voecht van Jacop mijne Jan Boghen dochter sij wittijghe huijsvrouwe nae uut wijsen een procuratije vuijth o.gen bezegelt ende ǁ gepasseert voer burgemeesteren ende schepenen der stede van Sinte Gertruijden berghe In date den XVII en dach augusti anno XV^C negenenveertich bij ǁ ons Schout ende heemraders gesien ende gevisiteert Ende heeft uut crachte van dijen overgegeven soe recht is Willem Heij van Sinte Geertruijden ǁ berghe een rente van ses schilden tsiaers erffelijcke renten veronderpandt op een stuck lants ende gronts gelegen inden ambocht voerscreven verschijǁnende jaerlijcx Sinte Pieters dach In zulle nae uutwijsen den princepalen constitucie brief hier aen desen onsen brieve bezegelt doersteken ende ǁ beloefde hem dat te vrijen ende waeren naer lantrecht welcke rente voerscreven den voergenoemden Peter Spronck getransporteert ende overgedraǁgen is bijden erfgenamen van wijlen Jan Boghe zalijger nae uut wijsen den transpoert brieff gepasseert voer schepenen in Breda in date duijsent ǁ vijfhondert negenenveertich seven daghen in Junio des is noch voer ons comen inde selve vierschaer de voerscreven Willem Heij ende heeft uut ǁ rechter liefden ende in pueren aehijissen over gegeven met eender ghiften Dierck Gentssoen die zeijlmaker die voerscreven rente van ses schilden ǁ tsiaers erffelijck tselve accepteren tot behoef onderhoudenissen ende alimentacie vanden armen ouden mannen die woonen ende gestelt zullen worǁden nu ende hier naemaels ten ewijgen daeghen te weten tot acht persoonen toe in het manhuijs dat gesticht ende gemaeckt wordt binnen ǁ der voerscreven stede van Sinte Geertruijdeen berghe mits condijtien voerwaerde ende bespreecke dat de selve Willem Heij zijn zoon ende soe voerts van ǁ generatie tot generatie vanden bloede van Willem Heij gecomen ende gegenereert ende descenderende vanden getrouen bedde zijnde vrou oft man d[r]agende ǁ met warachtijghe[***] tij[...] toenaem vanden voerscreven Willem Heij nu van stonden aen alst tijt wesen sal den acht mannen te institueren ende nomineren ǁ altijt sullen geven conferende ende instituerende ten eewijgen daeghen immer soe langhe als den voerscreven toenaem dueren sal eenen vanden voerscreven ouden mannen ǁ oft proveniers ende als dijen overleden sal wesen altijt wederom eenen anderen inde plaetse vanden aflivigen te institueren maer also saen als ǁ dijen toenaem van Heij vergaen sal sijn soe sal oeck die gratie uut sijn doot ende te nijet ende ingevalle men den voerscreven Willem Heij oft ǁ sijnder herijen oft naecomelingen sulcx als voerscreven is nu ofte in toecomende tijden dede hier inne enighe tur[***] ongebruijck ofte belet ende ǁ [***] collatie ofte institucie [***]  ǁ [***] ǁ