Vindplaats van het origineel
Tilburg, Regionaal Archief Tilburg, toegangsnummer 2649, Charterverzameling Geertruidenberg en Raamsdonk, inv. nr. 4.
31 maart 1498
Samenvatting oorkondetekst
Vidimus door de deken en het kapittel van Geertruidenberg van een oorkonde uit 1383, gegeven door Albrecht van Beijeren, als ruwaard van Holland, aan de stad Geertruidenberg, om hen die een strafbaar feit hebben begaan, uit de stad te zetten; met bevel aan de baljuw van Zuid-Holland om deze personen te bannen.
Transcriptie
Wi deken ende capittel van Sinte Geertruidenberghe doen condt allen luden dat wy ǁ ghesien ende ghelesen hebben enen brief goet gans ende gave ongheraseert ǁ onghecancelleert wel bezeghelt sprekende van woerde te woerde gheliic ǁ hier na bescreven staet Aelbrecht bi gods ghenaden palensgrave ǁ upten Riin hertoge in Beyeren ruwaert van Henegouwen van Hollant van ǁ Zeelant ende van Vrieslant, doen condt allen luden, dat wi ghegheven ǁ hebben ende gheven onsen goeden luden van onser stede van Sinte Geertruidenberghe ǁ scoute scepenen ende rade dat soe wien dat zi vinden in stilre waerheit ǁ van quaden fayten die zi doen binnen hore stede dat zine uutzetten buten ǁ hore stede vryheit dat wi willen datten onsen bailliu van Zuthollant ǁ uutlegghe buten onsen bailliuscap van Zuthollant. Ende ontbieden ǁ ende bevelen ende bevelen onsen bailliu van Zuthollant die nu is of ǁ namaels wesen sal dat hi dien vort uutlegghe uut onser bailliuscap ǁ voerscr. ende des niet en late. Dit sal duren tot onzen wedersegghen ǁ In orconde desen brieve bezeghelt met onsen zeghele Ghegheven inden Hage ǁ up Sinte Andries avont int iaer ons heren MCCC drie ende tachtich tot ǁ enen orconde van desen so hebben wy deken ende capittel voers. onsen ǁ seghel hier ane ghehanghen upten lesten dach in maerte int iaer ǁ ons heeren MCCC acht ende tnegentigh na scrivene shoifs van Ludick ǁ