Oisterwijk

Ian Lenaerts derthien lopen roggen jaerlicx ende erfelicx pacht hem toebehoerende [***] van eenen mud roggen ǁ erfpacht alle jaer te gelden ende te betaelen op onse vrouwen dach lichtmisse wesende van erfenisse ende hoevinghe met ǁ siinen gronde ende toebehoirten daer wilner Wouter vanden Loe Janssoen ende sijn huijsvrouwe bestorven sijn derthien lopen ǁ saet of daer omtrent begrepen ghelegen inder prochie van Oesterwiick aen die Gruynstraet tusschen erfenis Pauwels gheheeten ǁ die Wolf deen sijde ende tusschen erfenis Claus van Vuycht ander siide, Item uut ende van enen stuck lands XX lopensaet off ǁ daer omtrent begrepen ghelegen aldaer tusschen erfenis wilner Ian Daneels deen sijde ende tusschen erfenis Hu[***] die Wilen won[***] ǁ [***] ende hoer kijnder dander sijde, Item uut ende van enen stuck lands achtien lopensaet off daer omtrent begrepen ghe[legen] ǁ aldaer tusschen erfenis Hillen ende hoer kiinder voers. deen siide ende tusschen erfenis Claus van Vuyght dander siide, Item ǁ uut enen stuck lands daer bii ghelegen tusschen erfenis Ians die Ridder ende dese selve erven deen siide ende tusschen erfenis ǁ Meeus Ian Stevens ende Gheriit Beyen dander siide, Item uut eender weyen ghelegen aldaer tusschen erfenis Lauwr[***] ǁ Vannis op die een sijde ende tusschen erfenis Claus van Vuyght op die ander siide, Item noch uut enen van eender hey[***] ǁ ghelegen inder prochie van Tilborch tusschen erfenis Aleyt wedue wilen Lambrecht Scoemecker ende meer anderen [***] ǁ deen sijde ende tusschen erfenis Willems van den Heesacker dander siide Ende welcke mud roggen erfpachs voers. [***] [Hen-] ǁ rick soen wilner Wouters vanden Loe Ianssoen ende Hessel soen wilner Hessel Jan Celen als man ende momboir [***] [Kathe] ǁ liinen siins wijfs erfelicken vercoft hadden ende gheloeft te gelden Lauwreys Lodd[er] als man ende momboir Elizabeth ǁ siins wiifs dochter wilner Wouter vanden Loe ghelick als dat in scepenen brieven daer op ghemaeckt volcomen  ǁ begrepen is heeft Jan voers. dese voers. derthien lopen roggen erfpachs weerelicken ende erfelicken [***] ǁ overgegeven ende opghedragen Ian Brocken soen wilner Ian Brocken tesamen met allen scepenen brieven [***] ǁ voerwaerden ende rechte mencie makende ende ghewaren doende met afgaen ende vertiiden als dat behoirlick ende [***] ǁ is, Ende heeft gheloeft Ian vercoft voers. als een principael sculder op hem ende allen sijn gueden hebbende [***] ǁ vercregende dat opdragen onderpanden afgaen ende vert[iiden] als vanden XIII lopen roggen erfpachs voers. den voergenoemde [***] ǁ coper altiit vast ende stendich te houwen ende in siinen namen te doen houwen sonder ennich wederseggen ende [***] ǁ onderpanden altiit goet te maken voerden erfpacht voers. ende alle commer ende calangien daer op comende af te doen [***] ǁ Ende hier is bii ghestaen Katheliin Lenaerts des voers. Ians moeder met hoeren momboir hoer van den heer [***] ǁ alsoe als recht is ende heeft allen alsulken tocht ende recht van tochten wegen als sii ennichsiins besittende [***] ǁ in dese voers. derthien lopen roggen erfpachs overgegeven ende opgedragen Iannen hoeren soen [***] ǁ ende heeft gheloeft Katheliin voers. met haren momboir voers. als een principael sculder op hoer ende [***] ǁ hoeren gueden hebbende ende vercrigende hier nimmermeer van tochten wegen op te sprecken met ǁ recht geestelick noch werentlick ende alle commer ende calangien van hoeren twegen af te doen [***] ǁ selven orconden hebben hier over gheweest scepenen in Oesterwiick Goijaert Reijmbouts ende He [***] ǁ Willem Emmen soen die hoeren zegelen in ghetuygenisse hier aen ghehangen hebben int jaer ons heeren ǁ dusent vierhondert tnegentich ende seesse des vrijdaegs in die quatertempper voer korsmisse