Tilburg

Peter Jan Meeus zoen heeft geloeft als principael schulder huer te gelden te geven ǁ ende wel te betalen Cathelynen weduwe wilnere Willem Wouter Jacops enen jaerlycken ende ǁ erffelycken pacht van twalff lopen roggen op Lichtmisse, den eersten betaeldach van ǁ Lichtmisse naestcomende over een jaer, uuijt ende van huys hoff schuer metten gronde ǁ ende erffenis daer aen liggende ende daer toe behorende drie lopensaet oft daeromtrent ǁ begrypende inder prochien van Tilborch ter plaetsen genoempt dat Creyenven tuschen ǁ erffenis Jan Peter Meeus deen sijde ende deen eynde, ende tuschen enen gemeynen water ǁ laet dander syde hodende metten anderen eynde aen die gemeyn straet Ende noch uuijt ǁ ende van enen stuck landts geheyten Dou Steede vyff lopensaet oft daeromtrent begrypende ǁ inder prochien ende plaetsen voers. tuschen erffenis der weduwen wilner Lauwreys Symons ǁ met meer andere deen syde ende tuschen erffenis Daniel Jan Reynen dander syde ende ǁ deen eynde, hodende metten anderen eynde aen die gemeyn straet als hy seede, ende

Peter voers. heeft geloeft die voers. huys hoff schuer metten gronde ende erffenis voers. ǁ te  waren gelyck men erven met recht schuldich is te waren ende die voers. onder ǁ panden altyt goet zeker genoch ende waeldogende te maken ende allen commer ende ǁ calaengien aff te doen der selver Orconden hebben hieronder geweest scepenen in ǁ Tilborch ende in Goerle Lauwreys Hanrick Zwysen ende Joest Beeris Eelkenss. die den ǁ zeghel huers gemeyns scependoms desen brieve open aen hebben doen hangen ǁ int jaer Ons Heeren duysent vyffhondert sevenendedertig den eersten

february

folio 33

Dorsale aantekening:

Bevonnist XIIIJen february 1600

Bevonnist den IX novembris 1609

Bevonnist  Ven february 1618

Bevonnist in pleno inditio

den XIIIJen novembris 1650

Bevonnist in inditio den

XJen july1656

Kathelyn weduwe Willem Wouter Jacops ǁ op Embrecht Jan Meeuss. aen het Creyven

Embrecht Meeussen ǁ aen het Creyven