Geertruidenberg

Nos prior et conventus fratrum Carthusiensium prope montem sancte gheertrudis in hollandia notum facimus universis et singulis presentia visuris ǁ lecturis et audituris nos vidisse audisse legisse necnon diligenti cura examinasse litteras illustrissimi quondam principis domini wilhelmi Comitis hanoǁnie hollandie et zeelandie etcetera confirmatorias iurum privilegiorum et libertatum quondam predecessoris sui opido suo videlicet montis sancte gheertrudis ǁ videlicet domini florencij dum vixit comitis hollandie concessorum vero sigillo suo sigillatas et munitas sanas et integras non abǁrasas non cancellatas nec in aliqua sui parte viciatas vel suspectas . hunc modum et formam de verbo ad verbum in se continentes ǁ Nos wilhelmus comes hanonie hollandie zelandie ac dominus frisie universis presentes litteras inspecturis salutem et rei geste noscere veritatem ad univerǁsorum noticiam deducius per presentes quod nos litteras excellentis principis nostri dilecti consanghei et predecessoris domini florencij quondam ǁ comitis hollandie pie recordacionis vero suo sigillo sigillatas et sanas super iuribus et libertatibus opidi nostri de monte sancte gheerǁtrudis vidimus et audimus in modum qui sequitur et in formam Florencius Comes hollandie universis presentes litteras inspecturis ǁ salutem Diversis inspectis obsequiis que dilecti opidani nostri de monte sancte gheertrudis nostris sepius antecessoribus et nobis favorabiliter ǁ impenderunt ipsis tenore presentium duxius concedendum quod ijdem infra zuuthollandiam nulla causa vel ratione precedentibus salva semper libertate ǁ ville nostre de dordrecht et iure nostri theolonei . impeti arrestari vel detineri possint in personis vel in bonis suis nisi pro suis ǁ debitis que promissa seu recognita existunt coram vero iudice ad hec negotia et consimilia deputato qui ghewairtrechter vulgaliter ǁ dicitur . Et sex testibus vel pluribus qui dictam promissionem seu recognitionem predictorum debitorum ratione previa recognoscunt volentes quod si ǁ aliqui vel aliquis extra dictam villam de monte sancte gheertrudis infra dictam terram zuuthollandie manentes aliquos opidanos ǁ dicte ville ex debito vel ex alia causa quacumque impetere voluerunt . quod ipsi veniant infra dictam villam de monte sancte gheertrudis ǁ ius suum secundum legem ville super impetitione habundantius recepturi in cuius rei testimonium presens scriptum sigillo nostro fecimus communiri ǁ datum Anno domini millesimo ducentesimo septuagesimoprimo Sabbatho postquam festum beatorum apostulorum petri et pauli Nos itaque wilhelmus ǁ Comes hanonie hollandie zeelandie ac dominus frisie predictus volentes dictos opidanos nostros de monte sancte Gheertrudis gratia ǁ prosequi speciali ac ipsorum iura et libertates in nullo minui sed augeri ob grata servicia et accepta nostris predecessoribus et ǁ nobis sepius ab eisdem impensa et in posterum fideliter inpendenda ipsis omnia iura et libertates secundum omnem formam in littera domini ǁ florencij quondam Comitis hollandie hic prescripta innovamus concedimus et ex certa scientia confirmaus dolo et fraude exclusis ǁ In cuius rei testimonium Et ut hec predicta omnia et singula prout hic sunt prescripta dictis nostris opidanis inviolabiliter observentur ǁ sigillum nostrum presentibus duxius apponendum ǁ Datum innovatum concessum et confirmatum Sub anno domini millesimo Tricentesimo Tricesimo ǁ quinto Sabbatho postquam festum beatorum petri et pauli apostulorum Et quia nos prior et Conventus Domus carthusiensis prope montem sancte ǁ gheertrudis prefate premissa omnia et singula prout supra narravius vidimus et perspeximus ad instanciam Burgimagistrorum opidi ǁ montis sancte gheertrudis presens transsumptum et vidimus in testimonium premissorum sigillo nostri conventus duximus communiendis et sigillandis ǁ Anno domini millesimo quadrigentesimo sexagesimo tertio . in festo sanctorum apostulorum symonis et jude ǁ

In dorso:

N 36 ǁ N 36 ǁ Bevestiging van voorregten ǁ en privilegien aan Geertruidenberg ǁ tot bijzondere gunst van die stad ǁ door Willem, Graaf van Hanover ǁHolland enz. ǁ 1463 ǁ