Oisterwijk

Engbrecht, Jan, Engbrecht ende Gheriit gebruederen sonen wilner Jans geheiiten Quap openbaerliic hebben gekent hen een erfdeylinge ende erfsceydinge onderlinge gemaect ende gedaen [***] ǁ hoeren [***] vanden erfeliken guede hier onder gescr. hen toebehoerende, die welcken vander doot wilner Jans Quaps vader voers. ende wilner Katheliin hoere moeder [***] ǁ erfelike toecomende siin als sii seyde, Overmids welker erfdeylinge een huiis ende hof met siinen gronde ende een stuck lants dair teynden aenliggende gelegen inder parochien van Oesterwiick [***] ǁ Udenhout ter stede geheyten opt tSchoer tusschen erfenis Wiit Huben optie een side  noortwaerts, ende tusschen erfenis Gheriits ende Engbrechts gebruederen voers. die dair tegen d[***] ǁ geliic als dat aldair bepaelt is, Item hier toe een stuck erfs lant heyde ende weyde geheyten den Cleynen acker dair after tvoers. stuck lants gelegen tusschen erfenis Willems [***] ǁ ende tusschen erfenis Wiit Huben optie ander side westwaerts Item een stuck erfs lant ende weyde geheyten den Aftersten acker, dats te weten die helft daer aff opt eynde westwaerts tusschen [***] ǁ geheyten die Zegher totten halven grafft toe optie een side ende tusschen erfenis Engbrechts ende Gheriits gebruederen voers. die dair jegen deylt optie ander side oestwaerts, Item hier [***] ǁ beempts off dair omtrent ter voers. stede gelegen tusschen erfenis Willems die Zegher optie een side oestwaerts ende tusschen erfenis Engbrechts ende Geriits gebruederen voers. die [***] ǁ side westwaerts, Item noch een stuck erfs geheyten een Weyde gelegen ter voers. stede een half buender off dair omtrent begripende tusschen erfenis Willems die Zegher optie [een side] [***] ǁ tusschen erfenis Wiit Huben optie ander side oestwaerts, streckende metten enen eynde zuiitwaerts aen erfenis Willems Zeghers geheyten Glaniis beempt ende metten anderen eynde noertwaerts [***] ǁ van brede Item noch hier toe alsulke gedeelt als wilner Katheliinen hoere moeder verstorven is van wilner Ameliis geheyten Schuiitken hoeren brueder inden beempden tot Tilborch [***] ǁ hen die aldair toebehoerende siin als sii seyden, den voergenoemde Ghiisbrechte ende Janne gebruederen sonen wilner Jan Quaps voers. mids der jegenwordigen deylingen gevallen siin in deel [***] ǁ bruederen voers. dit openbaerliic bekent hebben op welke erfenissen den voergenoemde Ghiisbrechte ende Janne gebruederen in deel als voers. is gevallen dese voers. Engbrecht ende Gheriit [***] ǁ opten alingen rechte hen dair in enigerwiis toebehoerende tot behoef Ghiisbrechts ende Jans hoeren bruederen voers. witteliic ende erfeliic hebben vertegen halmeliic als dair toebeh[oerende] [***] ǁ waerden toe gedaen dat Ghiisbre(cht) ende Jan gebruederen voers. uut den voers. erfenissen hen als voers. is in deel gevallen die helft ende allen alsulken chiins alsmen conden alingen erfenissen die [***] ǁ jegenwordigen deylingen deylen jaerliics met recht sculdich is te gelden ende hier toe anderhalf mudde rogs erfpachts Thomaes soen wilner Maes Stevens soen ten Bosch te leveren ende [***] ǁ erfpachts Wouteren die Bont wonende tot Loen aen die molen opt onderpant te leveren ende viier lopen rogs erfpachts Aert Trebs jaerliics van rechte te vergelden als sii seyden [***] ǁ geliic jaer ende erfeliic alsoe geven ende betalen sullen ende sculdich wesen te geven ende te betalen uut den selven ten thermiinen der  betalingen ende steden dair toe geseten ende ge [***] ǁ Engbrecht ende Gheriide hoeren bruederen tot ende op hen ende hoeren gueden dair af bii hennen steden come(nd)en sullen ennigerwiis in toecomende tiden ende mids welker erfdeyingen die [***] ǁ parochien ende ter stede geheyten aent Schoer optie zuut side tusschen erfenis Willems die Zegher optie een side zuutwaerts ende tusschen erfenis Ghiisbrecht ende Jans gebruederen die dair jegen deylt [***] ǁ noertwaerts geliic als die erfenisse metten schueren voers. aldair bepaelt is Item een stuck lants geheyten den Vorsten acker ter voers. stede gelegen tusschen erfenis Wiit Huben optie een side [***] ǁ erfenis Ghiisbrechts ende Jans gebruederen voers. die dair jegen deylt optie ander side westwaerts Item een stuck erfs lant heyde ende weyde ter voers. stede gelegen tusschen erfenis Willems [***] ǁ een side oestwaerts ende tusschen erfenis Ghiisbrechts ende Jans gebruederen voers. die dair jegen deylt optie ander side westwaerts Item een stuck erfs lant ende weyde vanden aftersten acker voers.[***] ǁ erfenis Wiit Huben totten halven graft toe optie een side oestwaerts ende tusschen erfenis Ghiisbrechts ende Jans gebruederen voers. die dair jegen deylt optie ander side westwaerts geliic die erfenissen [***] ǁ Item noch een stuck beempts een buender beempts oft dair omtrent begripende gelegen ter stede voers. tusschen erfenis Ghiisbrecht ende Jans gebruederen voers. optie een side oestwaerts ende tusschen [***] ǁ Huben optie ander side westwaerts streckende metten enen eynde zuutwaerts aen erfenis Willems die Zegher geheyten Glaviis beempts ende metten anderen eynde noertwaerts aen erfenis [***] ǁ den voerg. Engbrechte ende Gheriide gebruederen sonen wilner Jan Quaps voers. mids der jegenwordiger deylingen gevallen siin in deel geliick als Ghiisbrecht ende Jan hoeren bruederen [***] ǁ baerliic bekent hebben, op welke erfenissen voers. den voerg. Engbrechte ende Gheriide gebruederen in deel als voers. is gevallen dese voers. Ghiisbrecht ende Jan gebruederen ende [***] ǁ hen dair in ennigerwiis toe behoerende tot behoef Engbrechts ende Gheriits hoeren bruederen voers. witteliic ende erfeliic hebben vertegen halmeliic als dair toe behoerliic is [***] ǁ dat Engbrecht ende Gheriit gebruederen voers. uut den voers. erfenissen hen in deel als voers. is gevallen, die ander helft vanden alingen chiinsen voers., ende een half mudde rogs[***] ǁ beghiinhof ten Bosch te leveren, ende een mudde rogs erfpachts Ludek Baks off dat men dat met recht sculdich is te ghelden oec ten Bosch te leveren, ende een mudde rogs erfpachts [***]  ǁ Stheves dochter ende hoeren kiinderen opten onderpande te leveren, ende viier lopen rogs erfpachts met tiiels jaerliics dair uut van rechts te vergelden als sii seyden, van nu [***] ǁ erfeliic alsoe geven ende betalen sullen ende sculdich wesen te geven ende te betalen voer den selven ten termiinen der betalingen ende steden dair toe geset ende geordoneert dat den voerg. G[hiisbrecht] [***] ǁ hoeren bruederen tot ende op hen ende hoeren gueden dair af enghenen staden comen en sullen ennigerwiis in toecomende tiden ende hebben geloeft Ghiisbrecht ende Jan gebruederen voers. optie een side [***] ǁ Gheriit gebruederen voers. optie ander side als sculdenaer principael op hen ende op allen hoeren guede die sii nu hebben ende namaels hebben ende vercregen moegen dese erfdeylinge ende [***] ǁ anderen eweliic gestendich ende vast te houden ende in hoeren name te doen houden sonder ennich wederseggen met vorwaerden toe gedaen hier [***] ǁ of ennige der voers. Ghiisbrechts [***] ǁ gebruederen vanden voers. erfenissen hen in deel gevallen als voers. is iiet met wegen van rechts hier naemaels worde afgewonnen, ende of uut den selven erfenissen meer bevonden [***] ǁ is dat meer ende alsulken stade dese voers. Ghiisbrecht Jan Engbrecht ende Geriit [gebruederen] geliic dragen ende betalen sullen ende nae geliken porcien sculdich wesen te dragen ende te betalen [***] ǁ geliic der vors. Ghiisbrechts Jans Engbrechts ende Geriits gebruederen [***] voers., uut den voers. erfenissen hem in deel gevallen als voers. is jaerliics van rechts te [***] ǁ [***] eenyegeliic jaer ende erfeliic alsoe geven ende betalen sal ende sculdich wesen te geven ende te betaen uut den selven dat den anderen hoeren tot ende op hem ende hoeren gueden dair [***] ǁ ende sal ennigerwiis in toecomende tiden geliic als Ghiisbrecht Jan Engbrecht ende Geriit gebruederen voers. dit openbaerliic bekent hebben ende als sculdenaer principael op hen ende op allen [***] ǁ [***] ende naemaels hebben ende vercregen moegen doen den anderen geloeft hebben met dese vorwaerden voert toe gedaen dat alle wegen sullen blive gaen ende wegen dien sii van gewoenen [***] ǁ [***] siin te gaen, Orconden hebben hier over geweest scepenen in Oesterwiick Jan Peynenborch Peters sone ende Godevaert Aert Heymans soen die hoeren segelen in getugenisse hier aen [hebben gehangen] ǁ [int jaer] ons Heren dusent vierhondert veertich ende neghen des Satersdaegs na den heyligen Piinxt dach, seven dagen in Junio.