Oisterwijk

Nos Iohannes Godefridi et Godefridus Walrauen, scabini in Oesterwiic, notum facimus ǁ universis quod coram nobis Walterus dictus Wellen recognovit se vendidisse legitime Enghelberto ǁ dicto van den Leempole duas terre petias, sex lopinos siliginis pro semine capientes, ut dixit, ǁ a Iohanne dicto Berkelman, suo socero, sibi in dotem matrimonialem traditas, ut dicebat, pro ǁ decem et octo libris sibi solutis plenarie, ut dicebat.

Et promisit supra se et bona ǁ sua dicto Enghelberto de dictis terre petiis omnem obligationem in eis existentem deponere, ǁ preter censum annuum et hereditarium duorum denariorum inde solvendorum, et deprestare de ipsis ǁ warandiam in hereditatibus debitam et consuetam, hoc subiuncto quod, si quisquam heredum dicti ǁ Iohannis Berkelman post obitum eiusdem Iohannis infra annum dictas terre petias redimere voluerit, ǁ hoc facere poterit iure aratri semper salvo nostrarum testimonio litterarum.

Datum sub sigillo ǁ nostro aut nostris anno Domini M^o CCC^o tricesimo sexto, in festo beati Egidii abbatis.