Oisterwijk

Henrick zoen wilner Wouters van den Nuwenhuys heeft geloeft als principael sculder te gelden ende ǁ te betalen Claessen zoen wilner Jans Tymmermans eenen jaerlycken ende erffelycken chyns van twee ǁ ende eenen halven Karolus gulden oft die rechte werde daer voer in anderen goeden gelde Nu ǁ gevalueert wesende alle jaer erffelick op onser Liever Vrouwen dach purificatie uut ende ǁ van twee huysen ende hoeven met hoeren gronden ende toebehoerten gelegen bynnen der vryheyt ǁ van Oisterwyck after die lynde aldaer tussen erffenisse nu toebehoerende Cornelise wedue wilner Jans ǁ Peter Huybenz. met haeren kynderen optie een zyde oestwaert ende tussen erffenisse dat toebehoeren plach Gerit ǁ Belmys optie andere zyde westwaert streckende van der gemeynder herbanen totter erffenissen nu ǁ toebehoerende den kynderen wilner Jans van Oss Ende heeft voerts geloeft die voergen. Henrick als ǁ sculder principael op hem ende op allen zyn goet nu hebbende ende naemaels vercrigende desen erff ǁ chyns Claessen voers. te waren. Ende desen twee huysen ende hoeven voer die betalinge ǁ van den voers. erfchyns goet genoch ende waeldoegende te maken ende zeker genoch oirconden ǁ hebben hier overgeweest scepenen in Oisterwyck Wouter Jacop Stynen ende Claes Jacop Hoeffsz. ǁ die hueren zegelen in getugenisse hier aen hebben gehangen int jaer ons heren duysent vyfhondert ǁ seven ende twentich den elfsten dach van februario

Dorsale aantekening:

Claes soen wilner Jan Timmermans