Moergestel

Wij Henrick Jan Swittenz ende Jan Gerit Dircksz scepenen in Gestel bij Oesterwijck tuijgen onder onsen ghe ǁ meijne zegel dat voer ons comen is Aert Corsten Petersz ende heeft geloeft Jannen Jacob sBerenz ǁ vierdalven carolus gulden tsiaers erffgels allen jaer op lichtmissen dach te gelden ende te betalen te ǁ heffen ende te voeren uut huijs scuer hoff ende erffe daer aen gelegen ontrent acht loepensaet groot ǁ gelegen inder prochie van Gestel aen dat heij eijnde metter eenre sijde neven erven Peter Henrick ǁ Gosensz dander sijde neven erve Meeus Danielsz metten eenen eijnde aen erve den erffgenamen An ǁ thonis Bruenincxs dander eijnde aen die gemeijn straet ende Aert Corsten Petersz voers. heeft ǁ voert geloeft op hem ende op allen sijne gueden hebbende ende vercrigende dese erven te waeren ende altijt goet ǁ zeker ende waeldogende te maken als voer desen vierdalven gulden tsiaers erffgels voers. gegeven int ǁ jaer ons heeren geboerte dusent vijffhondert ende sessendertich op onser vrouwen lichtmissen avond

Dorsale aantekening:

Jan Jacop sBe[renz] ǁ Ick Leonara van de Kerckhoff, bekenne midts desen ontfangen te ǁ hebben van Peter Cornelis Hanrick vande Staeck, de somme van t'sestich ǁ carolus gulden [***] geld waer mede hij affgelost ende ǁ gequeten heeft die rente van iii gulden x stuvers jaerlijcx, aen dander zijde ǁ van dese staende gescreven, metten achterstel van dijen, Bedancke mij ǁ de voers. betalinge [***] den XIII mert 1619 ǁ Ondertekend: G. vanden Wilter[***] P. de Louw Peters. ǁ Leonora vanden Kerckhoff