Vindplaats van het origineel
Regionaal Archief Tilburg, toegangsnummer 1428, Charterverzameling Tilburg (en Goirle, Berkel-Enschot en Udenhout), inv.nr. 6
1434-09-16
Samenvatting oorkondetekst
Akte waarbij schepenen van Drunen bekend maken dat Herman Cleynsael, “leenvijnder” van de heren van Brabant, op verzoek van Pouwels van Haestrecht, beslag heeft gelegd op de oogst, staande op een erf te Gansoijen van wijlen vrouwe van Cronenborch, dochter van heer Jan van Dronghelen, ridder, wegens achterstallige grondcijns, die zij schuldig was aan Dirc van Haestrecht.
Transcriptie
Wii Heynric die Bye Gheritszoen ende Aert Gheritszoen van Esch man van leen ons ghenadiche ǁ heren van Brabant ende scepen te desen tiit in Druenen doen condich enen yegheliic met desen ǁ bryeve dat wii daerboven over waren daer Herman Cleynael leenviinder ons ghenadiche heren ǁ van Brabant voers. na begheren Pauwels van Haestrecht ghepandt heet aen die scuer die ǁ stont op der erfene der vrouwen gheheyten van Cronenborch wilneer dochter Hendrick Ians ǁ van Dronghelen riddere als van gebreck des gronde chiins die Dirc van Haestrecht heer ǁ tot Venloen heffende is wter erfenis der vrouwen van Cronenberch voers. gheleghen tot ǁ Gansoeyen ende hoer aen bestorven was van heer Willem van Boextel gheheiiten van Oeyen ǁ ridder hoere oude vader was. Ende die pand siin met recht ghesleten ende vercoft voer dat ǁ ghebreck vanden afterstandighen chiins Dirck van Haestrecht voers. op die thiit [***] ǁ ghen in kennis der waerheyt dat dit alsnu ghescyede voer ons inder vierscaer [***] ǁ over ons mede scepenen tot deser thiit tot Druenen soe hebben wii scepenen voers. ons ǁ zeghelen aen desen bryef ghehanghen gheghevenen int iaer ons heren dusent vierhon ǁ dert dertich ende vier op Sinte Lambrechts avont bisscope