Vindplaats van het origineel
Regionaal Archief Tilburg, toegangsnummer 1433, Charterverzameling Oisterwijk, inv.nr. 159
15 februari 1469
Samenvatting oorkondetekst
Akte voor schepenen van Oisterwijk, waarbij Willem, natuurlijke zoon van Lauwreys Lombaerts, en Willem en Jan, zonen van wijlen Henrics sBruijnen, verklaren afstand te doen van een huis en hof met toebehoren, gelegen in de stede Carcoven in de parochie van Oisterwijk, ten behoeve van Jans en Elysabeth Boyen, kinderen van wijlen Henrics Boyen.
Transcriptie
Willem naetuerlic sone Lauwreys Lombaerts Willem ende Ian ghebrueders sonen wilner Henrics sBruynen, Op een huys ende hof met siine ǁ gronde ende toebehoerten ghelegen inder prochien van Oesterwiick in een stede gheheyten Carcoven tusschen de erfenisse Henrics van Uden ǁ op beyden siiden hem aenliggende streckende vande ghemeynde straeten totter erfenisse Margariet weduwe Aert Goeswiins met haeren ǁ kynderen wittelic ende helmelic hebben sy verteghen tot behoef Ians Boyen soen wilner Henrics Boyen ende tot behoef Elyzabetten ǁ siinre zuster ende opten alinghen recht hen ennich syns daer in toebehoerende als daer toebehoerlic is, Bide hebben gheloeft ǁ Willem natuerlic soen wilner Lauwreys Lombaerts Willem ende Ian ghebrueders soenen wilner Henrics sBruynen voirs. als ǁ principael sculdener ghesamenderhant ende onverscheyden op hen ende op allen haer gueden die sii nu hebben ende naemaels hebben ǁ ende vercrighen moghen dit vertiden voirs. den voirs. Iannen ende Elyzabetten siinre zuster voirs. ewelic ghestendich ende vast ǁ te houden ende in haeren naem te doen houden sonder ennich weder segghen ende allen commer ende calangie van haere weghen ǁ hier in wesende alte male af te doen den selvende oirconden hebben hier overgheweest scepenen in Oesterwiick Ian ǁ Wiitmans ende Mathys die Gruyter die huere zeghelen in ghetugenisse hier aen hebben doen hangen int iaer ons ǁ heeren dusent vierhondert tsesticht ende neghen viifthien daghe in februari