's-Hertogenbosch

Andries Peeters van der Voort woonende tot Haren bij Oisterwijck heeft wittelick ende erffelick ǁ vercoft Diercken Reijnders van Rosmaer, eenen jaerlicken ende erffelicken chijns van ses carolus gulden tot twintich stuivers ǁ goets gancbaers gelts elcken gulden gereeckent, te betaelen alle jaer erffelick op ten vierden dach der maent maij ǁ ende voor den eersten termijn van betaelinge op ten vierden maij anno XVIC achtenvijftich ende binnen deser stadt ǁ vrij van alle beeden, exactien, subventien, commeren, scattingen ende lasten ingestelt, ende [noch] naermaels ingestelt ǁ te wordden egeene lasten uutgescheijden te leveren, van ende uut eenen acker teulants groot omtrent eenen ǁ sestersaet lants genoemt het Bijlken inde Berckt gelegen in de parochie van Haren, tussen erve Henricxkens ǁ wedue Cornelis van Laerhoven aen deen sijde, ende mitten eenen eijnde, ende tussen erve Aelberts Vreijssen dander sijde, ǁ streckende mitten anderen eijnde op erve der kinderen Jans Stevens, soo hij verclaerde, vande selven coopere ǁ mitten erffrecht te hebben ende te besitten, Ende heeft die voors. vercooper den voors. chijns des voors. coopere ǁ opgedraegen met helmelinge vertijdenis in maniren indien gewoonlick zijnde, Geloevende den voors. vercooper ǁ als sculdenaer principael op verbant van sijnen persoon ende alle zijne goederen present ende toecomende, dat hij den voors. ǁ coopere vande voors. chijns sculdige ende gerechte sal doen warantschap, ende dat hij allen anderen comer, calangie ǁ ende aentael int voors. onderpandt wesende oft comende den voors. cooper aff zal doen geheelicken, Ende ǁ dat hij oijck het voors. onderpandt voorde betaelinge des voors. chijns den voors. coopere jaerlicx daeruut ǁ als voor, te vergelden altijt goet genoch ende welduegende sal maecken ende houden, met conditien inne ǁ desen toegedaen dat die voors. vercooper den voors. chijns tot allen tijden sal moegen lossen ende quijten t'effens ǁ ende ten eene mael met de somme van hondert carolus gulden tot twintich stuijvers goets permissie gelts elcken ǁ gulden gereeckent, ende mitten loopenden jaerchijns ende achterstellen ten tijde der afflossinge daervan t'achter ǁ ende ombetaelt staende behoudelick dat men den voors. los een halff jaer te voorens wittelick sal moeten ǁ te kennen geven ende opseggen, Getuijgen waeren hierover scepenen in Shertogenbossche Willem van Haute ǁ ende Marten Christiaen Zuerius, Gegeven den vierden dach der maent maij int jaer ons Heeren duijsent ǁ sesshondert sevenenvijftich

[***]

Linkermarge:

[de]bet sigillum ǁ [v]ermits de ǁ [ge]coiteerde ǁ [tot]te distributie ǁ vant cleijn ǁ [se]gel alsnu ǁ [***]ǁ on[ver]sien ǁ [***]

Dorsale aantekening:

Haren ǁ constitutie [brief] ǁ van VI gulden