Oisterwijk

Hadewiich wittighe dochtere Henric vanden Diick wittig momboir der selve daer toe ǁ [***] vanden Richter ghegheven als recht in een lopen rogghen ǁ [***] van ses lopen rogghen erfpacht te verghelden [***] ǁ [***]onse Vrouwe Daghe purificacio uut ende van enen husen ende hoeve ǁ wilner [***] Adriaen van Kuijck nu tot Jan Poinenborch behoirende gheleghen ǁ inden vrijheyt van Oisterwiick tusschen d'erfe Adriaen Heiien op die enen ziide ǁ tusschen d'erfen Wouter Willems sone op den ander ziide als sii zeede Heeft ǁ sij witteliick ende erfeliick overghegheven ende opgedraghen Claesen natuerlic ǁ sone wilner Henrick vanden Dijck tot behoef onsen Lieven Vrouwen Broederscap inde ǁ kercken van Oisterwiick te samen met allen scepenen literen ende vorwaerden alsoe [***] ǁ [***] een lopen roghe erfpacht vanden ses lopen roghe voers. aenvangende moghen ǁ [***] daer toe behoerliic is ende heeft gheloeft Hadewiich met ǁ [***] momboir voers. als een principael sculder op hen ende op allen hoir gueden ǁ [die sij] nu heeft ende naemaels hebben ende vercriighen mach dit overgheven op ǁ draghen afgaen ende vertien voers. den voers. broederscappen eweliic ghestendich ende ǁ vast te houden sonder ennich wedersegghen ende allen commer ende calangie van hoeren ǁ weghen inden voers. lopen roghe erfpacht wesende altemael af te doen den selven ǁ orconden hebben hier over gheweest scepenen in Oesterwiick Mathiis die Gruijter ǁ ende Jacop vander Elst die hoeren zeghelen in ghetuiighenissen hier aen hebben ghe ǁ hanghen int jaer ons Heeren dusent vierhondert tseventich ende twee seven ende ǁ twentich dage inden Aprille