Tilburg

Elysabeth weduwe Ian Peter Aerts met haer momboer der selve daer toe van hoere  gh[***] ǁ ende hoer vanden rechte ghegheven als recht is alsulken tocht ende recht van tochten als ǁ Elysabeth voors. besittende is in eenen ghedeelt van enen stuck erfs tot landt ende weyde ǁ ligghende achtalf lopensaet oft daeromtrent begrypende gheleghen inde prochien van ǁ Tilborch tusschen de erffenisse der erfghenamen Ians vande Wee op die een zyde ende tusschen ǁ de erffenisse Ians Bonten op die andere zijde streckende vande erffenisse Ian Gherits totte [ghemeyn] ǁ straeten toe aldaer als sy zeede [***] eest sy wittelyc  overghegheven ende opghedraghen ǁ Mertenen ende Peteren ghebruederen soenen der selve Elysabethen ende wilner Ian Peter Aerts voors. ǁ tot [***] horende tot behoef Elysabethen hoe[ren] dochter den selve Elysabethen ende [***] ǁ Ian Peter Aerts  voors. te samen met allen schepenen brieven ende vorwaerden daer af mentie makende ǁ ende ghewach doende met afgaen ende verteien als daer toe behoerlyc is ende heeft gheloeft Ely ǁ sabethen hoeren momboer voors. als een principael sculder op hoer ende op allen hoer gueden die ǁ sy nu heeft ende naemaels hebbene vercryghen mach dit overgheven opdraghen afghaen ǁ ende verteien voors., den voors. Mertenen Peteren ende Elysabethen voors. ghestendich ǁ vast te houden sonder ennich wedersegghen ende allen commer ende calangie van hoeren wegen ǁ inden voors. ghedeelt vanden voors. stuck erfe wesende altemael af te doen den selven [***] ǁ hebben hier om gheweest schepenen in Tilborch ende in Goerle Ian Thomaes Henricx soen [***] ǁ ende Ian die Heerde die den zeghel [***] schepen doen desen brieven open aen hebben ǁ doen hanghen int iaer ons [heeren] dusent vierhondert tseventich [***] den iersten dagh ǁ van augusto

Dorsale aantekening:

Katheline weduwe Henricus Peter Aerts