Oisterwijk

Peter soen wilner Jans Priem heeft geloeft [a]ls schulder principael hem [te] gelden ende te betae[len] ǁ Adrianen synen bruer soen wilner Jans Priem voirgenoemd eenen jaerlycken ende erffelycken chyns van ǁ vijf keyser gulden twentich stuvers off die weerde der selver in anderen gelds als ten termynen van betae[len] ǁ comen sall syn ter gemeynder buersen gancb[aer] wesen sall binnen der vryheyt van Oesterwyck voir ǁ elcken gulden voirs. te rekenen ende vyfthien gelycke stuver te betalen alle jaer erffelyck inden hoo[ch] ǁ tyde van Pinxten waer af den irsten betaeldach syn sall van Pinxten naestcomende over een jaer van ǁ ende uuyt eenen derdendeele der [gu]eden hem aenbestorven van synen ouderen te weten uuyt een[en] ǁ derdedeel hem toebehorende in huys hoff schuere lant acker heyen weyen ende houtwassen mette[r] ǁ toebehoirten des selfs den voirs. Petren [Priem] recht van successien ende versterve overmidts der ǁ aflivicheyt synre ouderen aengecomen ende hem verstorven is hoe ende waer die gelegen syn [***] den ǁ in weecken in diepen ende in drogen in alder manieren ende gelyckewys die voirs. wilner Jan Priem ǁ die voirs. erffenisse int geheel te betaelen [***] ende daer inne bestorven is ende gelegen is [in der] ǁ vryheyd van Oesterwyck ter stede genoemt Berckel tussen erffenis meester Dircx die Borchgreve aen ǁ deen zyde noortwaertrs ende tusschen [erffe]nisse Peter Gielis met meer anderen aen dander zijde zuydwaerts ǁ streckende metten eenen eynde aen den gemeyn straet westwaerts totter [erfenisse] Robbrechts van [***] ǁ oestwaert als hij seghde van deen selven Adrianen desen voirs. chyns in [***] erfrecht erffelick ǁ te hebbende ende te besittende ende h[***] die voirs. Peter als schulder principael op hem ǁ ende op alle syne gueden die hij nu [heeft] ende noch vercrygen sall moochen daer hy den voirs. ǁ Adrianen desen voirs. chyns sall waren als enen erfchyns schuldich [is te] waren ende al[le] ǁ anderen commer ende calaengie uuyt voirs. derdendeel der voirs. gueden wesende den voirg(enoemde) Adrianen ǁ sall af doen geheelycken uuytgenomen drie mudde vier lopen ende een derdendeel uuyt [***] ǁ lopen roggen erfpachts noch eenen stuver tsiaers [***] van rechtswegen uuyten voirs. ǁ derdendeel der voirs. gueden te blyven vergelden ende dat hy dit voirs. derdendeel der voirs. ǁ gueden voir die jaerlycxe betalinge des voirs. chyns den voirs. Adrianen [***] als [***] ǁ goet genoch welduegende sall maecken ende zeker genoch Gethuygen waeren hier over Schepenen [van] ǁ Oesterwijck Wouter Stynen Jacopss. ende Jan Jacop Doeremanss gedaen den dartichsten dach van ǁ mey inden jaer ons heeren duijsent vijhondert sessendartich.

J. van Bruggen secretaris