Oisterwijk

Willem soen Engbrechts ge[***] Schenck [***] als wittige man en momboir Hyllegonden siins wyfs dochter wilner Henricks geheyten van den Eynde soen wilner Engbrechts van den Eynde ǁ [***] totten voirs. Willeme [***] Hyllegonden sinen wive behorende in de erfenisse [***] erfpachten [***] bescreven te weten in den iersten inne tvyerendedeel in den huyse ende hove met [***] ǁ toebehoirten dair wilner Henrick van den Eynde voirs. in bestorven is gelegen in de prochyen van Oesterwiick ter stede geheyten Berckel tusschen erfenis Ghysbrechts Bryevyncs op deen zide ǁ tusschen erfenisse Margrieten wedewe wilner Godert Nellen ende hoer kiinder ende Joffr[***] Straen wedewe wilner Jan Daneels op dander zide streckende van der straten totter erfenis [***] ǁ Jans van Ofel In t vyerende deel in een half mud saetlands of daer ontrent geheyten[***] gelegen in der prochyen ende ter stede voirs. tusschen erfenis yden wedewe wilner Henrick van ǁ den Eynde ende hoer kynder op deen zide ende tusschen erfenis Goeswyns Beertrams op dander zide streckende mettn enen eynde aen erfenis Janssoen Jans Aert Langherbeens soen ende ǁ metten ander eynde aen erfenis Peter Vannys Inne tvyerende deel in een stuck lands geheyten die Seslopensaet dwelck wilner Henrick van den Eynde voirs. jeghen Wouteren van ǁ der Loe Janssoen in wittige cope gecregen hadde gelegen in der prochyen ende ter stede voirs. tusschen erfenis Aertssoen Jan Langherbeens op deen zide ende tussschen erfenis Willems ǁ van Laerhoven op dander zide. Inne tvyerende deel in een stuck lands sess of zeven lopensaet lands of dair omtrent begripende in een stuck lands geheyten die Elflopensaet gelegen ǁ in den prochyen ende ter stede voirs. tusschen erfenis Jans van Ofel op deen zide ende tusschen erfenis dair yde voirs. hon tocht in besittende is die dan iegheliick deylt op dander zide ǁ streckende noortwaert op den waterlaet. Item tvyerende deel in derdalf lopensaet lands gelegen in der prochyen ende ter stede voirs. aen den graft tusschen erfenis Aerts Jan Langerbeens ǁ soen op deen zide ende tusschen den graft neffen erfenis der kynder wilner Henrick van den Eynde voirs. op dander zide. Item dat vyerende deel in die helft van enen stuck erfs te ǁ weyde ende te heyde liggende in der prochyen ende ter stede voirs. gelegen tusschen erve Willems van Laerhoven voirs. op deen zide ende tussschen erfenis Hubrecht Steenweechs ende ǁ siine mede erfgenamen op dander zide. Item tvyerende deel in sess stucken beemd tsamen derdalf buender broecks of daerontrent begripende gelegen in der prochyen voirs. ǁ ter stede geheyten in Udenhout aen die Gomellaerstraet ende ter stede geheyten tot Cromvoert. Item tvyerende deel in een heydehoeve gelegen in der prochyen van West Tilborch ǁ omtrent by der woninghen der erfgenamen wilner Willems Ridders. Item tvyerende deel in die halft van eenre heydehoeven gelegen in der prochyen van Venloen. Item hier toe ǁ tvyerende deel in enen jaerliken ende erfeliken pacht van viif mudde rogs die welck die kiinder wilner Henricks van den Eynde voirs. jaerliics heffen ende boren ende die sy ieghel ǁ iicke van moeder voirs. gedeylt hebben Ende welcken erfpacht van den viif mudde rogs voirs. al[***] personen jaerliics gheldende siin uut zekeren onderpanden na begryp scepen ǁ [***] daer af mency makende als hy seyde heeft hy uutgegeven tot enen jaerliken ende erfeliken pachte Peteren soen wilner Jan Aerts soen van Beerse en Janne soen wilner Dirck Ja ǁ cobs soen van Esch van den voirs. Peter ende Janne in een erfrecht te hebben ende te besitten voer zeven oude groet erfchiins ende tvyerende deel van viif mudden rogs erfeliics pachts ǁ uut den voirs. vyerende deel der erfenissen voirs. jaerliics dan uut voer van rechts te verghelden in afcortingen van den ouden commer uut den alinghen erfenissen voirs. jaerliics van ǁ rechts te verghelden te gheven ende te betalen van den voirs. Peter ende van Janne ende van hoiren nacomelingen allen jaer erfeliic ten termiine der betalinghen ende steden dair toe ǁ gheset ende geoerdineert ende voer enen jaerliken ende erfeliken pachte van drie mudden ende een lopen rogs te gheven ende te betalen den voirs. Willeme Engbrechts soen ende sinen ǁ nacomelingen van Peteren Jans Aerts soen ende van Janne Dirck Jacobs soen voirs. ende van hoiren nacomelingen allen jaer erfeliic op onser vrouwen dach alsmen kersen dreeght uut den ǁ voirs. vyerende deel der erfenissen ende erfpachten voirs. den selven Peter ende Janne te erfpachten als voirs. is uutgegeven Ende heeft geloeft Willem Engbrecht Schenckels soen voirs. ǁ als een principael sculder op hem ende op allen siin guede die hy nu heeft ende namaels hebben ende vercrigen mach dit voirs. vyerende deel in den erfenissen ende erfpachten voirs. ǁ den voirs. Peteren ende Janne te warnen tot ewighen daghen voer den erfchyns ende erfpachten voirs. en allen anderen commer ende calangie dair in wesende altemael af te doen den ǁ selven dwelck geschiet soe hebben wederomme geloeft Peter ende Jan voirs. als sculdener principael gesamenderhant ende ongesceyden hen te gheven ende te betalen den voirs. Willem ǁ Engbrechts soen ende sinen nacomelingen den voirs. erfeliken pacht van drie mudden ende een lopen rogs allen jaer erfeliic ten termiine der betalinge voirs. uut den voirs. vyerende ǁ deel der erfenissen ende erfpachten voirs. den selven Peteren ende Janne te erfpacht [***] gegeven hebben geloeft voertaen Peter ende Jan voirs. als sculdener principael gesamenderhant ende ongesceyden op hen ende op allen hon guede die sii nu [***] hebben ende vercrighen moghen dese voirs. drie mudde ende een lopen rogs jaerliics ǁ ende erfeliics pachts den voirgenoemde Willeme Engbrecht Schenkels soen te waren [***] ende dese voirs. onderpanden voer betalinghe des erfeliics pachts van den drie ǁ mudden ende een [***] rogs voirs. den voirgenoemde Willeme Engbrechts soen [***] jaerliics van uut als voirs. is te verghelden guet genoech waeldogende altiit te ǁ [***] voertaen Peter ende Jan [***] gesamenderhant optie verbiintenisse voirs. dat si den ouden commer chiins ǁ [***] van nu voertaen enyegelyc jaer ende erfeliic alsoe ghelden ende ǁ [***] den selve Peteren ende Janne te erfpachte als voirs. is uutgegeven ten termynen der betalinge ǁ [***] tot ende op hem ende sinen gueden dair af enghene scaden comen en sulken enniger wys ǁ [***] Geriit van Meyensvoert ende Jan Jan Wiitmans soen die Jonghe die hon zegelen in getuge ǁ [***] Sinte Peters dach apostels ad cathedram