Oisterwijk

Juet dochter wilneren Wiitmans vanden Dael met honne momber daer toe voir hen gecoren ende hoir vanden rechter gegeven als recht is die helft tot hon als sy seyde ǁ behoirende in enen hoeve gelegen inder vryheit van Oesterwiic aen die Kercstraet dats te weten die helft die welc gelegen is oestwaert tusschen ǁ erfenisse Henricks van Beeck ende siinre kiinden op d een ziide oestwaert, ende tusschen die ander helft des selven hoefs totter selver Juetten behoirende ǁ de op d ander siide westwaert streckende metten enen eynde aen die Kercstraet ende mette anderen eynde aen die gemeynt behoudeliic Juetten ǁ huyse siinre osendruppe oestwaert, totten palen toe die sy dair af gesteken heeft welc helft des hoefs voirs. der selve Juetten in hoe ǁ ren wedewestoel toecomende is als sii seyde heeft sy vutgegeven tot enen jaerliiken ende erfliiken pachte Hesselen geheyten Moelneer soen wilner ǁ Herman Moelleneers vanden selven Hesselle in een recht erfrecht te hebben ende te besitten voer vyer oude groet erfchiins ende voer vyer ǁ lopen rogs jairliics ende erfliics pachts der taeffelen des heylighe gheests inder kercken van Oesterwiic gelegen ende vo[er] den chiins den ǁ gesellen vander kercken van Oesterwiic ende voer den onraet te bewaren een half roede diicks opten Oesterwiicschen diick vut den voirs. ǁ alinghen hoeve jairliics ierst voer van rechts te verghelden ende totten selven behoirende te gheven te betalen te houden ende te bewarnen ǁ vande voirs. Hesselle enyegeliic jaer ende erfliiken ten termiinen der betalinge ende steden dair toe geset geoerdineert ende noet we ǁ sende alsoe datter voirs. Juetten tot ende op hoir ende der andere hoire helft des hoefs voirs. dair af enghenen schaden comen en sullen ǁ ingheenrewiis in toecomenden tiiden, Ende voer enen jairliiken ende erfliiken pacht van viif lopen roggen te gheven ende te betalen ǁ der voirs. Juetten alsoe lange als sy leven sal ende nyet langer ende nae dode hoirre Liisbetten houre dochter ende hoiren nacome ǁ lingen van Hessele voirs. ende van sinen nacomelingen alle jair erfeliiken op onser vrouwen dach alsmen kersen droeght dair af ǁ die ierste betaeldach wese sal vanden voirs. Onser Vrouwen daghe naest toecomende over een jaer vut der helft des hoefs ǁ voirs. den selven Hesselle te erfpacht als voirs. is vutgegeven ende heeft geloeft Juet met hoiren momber voirs. als een sculders prin ǁ cipael op hoer ende op allen hoer guede die sy nu heeft ende namaels hebben ende vercrigen mach dese voirs. helft des hoefs voir ǁ screven den voirg. Hessele te warnen tot ewigen daghen voerden chiinsen pachten ende onraet voirs., ende allen anderen commer ende calan ǁ gie dair in wesende altemael af te doen den selven, s welck geschiet soe heeft wederomme geloeft Hessel voirs. als een sculder princi ǁ pael hem te gevenen ende betalen der voirs. Juet alsoe lange als sy leven sal ende nyet langer ende nae daet houre Liisbetten honre ǁ dochter ende hoiren nacomelingen den voirs. erfliiken pacht van viif lopen roggen allen jair erfliiken ten termiine der betalinge voirs. ǁ vut der helft des hoefs voirs. den voirs. Hessele te erfpacht als voirs. is vuiitgegeven ende heeft geloeft voertaen die selve Hessel ǁ als een sculder principael op hem ende op allen siin guede die hii nu heeft ende naemaels hebben ende vercriigen mach Juetten voirs. ǁ dat hii dese voirs. chiinsen pachten ende onraet, jairliix dair vut voer van rechts te verghelde ende totten selven behoirende van nu voirt ǁ aen enyegeliic jaer ende erfliiken alsoe gheven betalen houden ende bewaren sal ten termiinen der betalinge ende steden dair toe geset ǁ geoerdineert ende van noet wesen vut der helft des hoefs voirs. hem te erfpacht als voirs. is vutgegeven dat der voirs. Juetten ǁ ende hoiren naecomelingen of den besitteren voer tiide der andere helft des hoefs voirs. dair af enghenen scaden comen en sullen ǁ enghyenrewiis in toecomenden tiiden met voirwaerden toegedaen dat die tymmeringe aen ende op der voirs. helft des voirs. hoefs ge ǁ tymert of getymert te weerden sal wesen ende eweliiken bliven een medeonderpant der voirs. Juetten ende hoire dochter ende hoiren ǁ naecomelingen vanden viif lopen rogs erfpachts voirs. te samen metter helft des hoefs voirs. den selven Hessele [als] voirs. is vutge ǁ gheven Oirconden hebben hier over geweest Scepenen in Oesterwiic Jan vander Elst ende Dirck Henrick Nellen soe die hoir zege ǁ len [ende] getugenisse hier aen hebben gehangen int jaer ons heren dusent vierhondert dertich ende viier des saterdaechs ǁ [nae Onsser] Vrouwen dach concepcio elf daghe in decembri.

[dr.] et en haer Jueten