[onbekend]

Gulielmus a Pictania, archidiaconus Campinie in insigni ecclesia Leodiense, presbytero ecclesie parrochialis ǁ sancti Johannis Baptiste loci in Venloon alias Loon op ’t Sant Leodiensis diocesis et nostri archidiaconatus, cui parrochialis ecclesia ǁ in Sprang eiusdem dicesis perpetuo unita existit, ac aliis universis et singulis presbyteris, clericis en notariis publicis nobis ǁ subditis salutem in Domino. Cum nobilis ac generosus vir Theodoricus de Grevenbroeck, dominus in temporalibus ǁ eiusdem loci Venloon, asserens collationem seu ius presentandi rectorem idoneum ad dictam ecclesiam de Venloon ǁ cum pretacta ecclesia de Sprang ut premittitur unita ad se dum vocat seu rectore carere dinoscuntur (alternativa ǁ tamen persone presentande nominatione domino abbati monasterii de Tongerloe competente alternalis viribus salva) ǁ ratione dicti sui dominii temporalis spectare et pertinere ad easdem ecclesias unitas vacantes ad presens per mortem ǁ seu liberam resignationem quondam domini Petri Scheelen, novissimi illius rectoris et canonici possessoris extra Romanam ǁ curiam et in hiis partibus defuncti, honorabilem virum dominum Johannem Rijemen, presbyterum dicte Leodiensis diocesis, tanquam ǁ habilem et idoneum ad huismodi ecclesias unitas obtinendum nobis ad quem ea propter dictarum ecclesiarum rectoris admissio, ǁ institutio, destitutio et quevis alia iuris dispositio antedicti nostri archidiaconatus pretextu pleno iure spectant et pertinent ǁ litteratorie in Dei nomine presentaverit. Cum ea supplicatione quatenus eundem dominum Johannem presentatum ad huismodi ǁ ecclesias admittere et rectorem in eisdem instituere vellemus et dignaremur adhibitis solempnitatibus in talibus ǁ adhiberi solitis et consuetis. Hinc est quod nos, jus uniuscumque in premissis illesum conservare volentes, vobis universis ǁ et singulis ac universis cuilibet supradictis in virtute sancte obedientie districte precipientes mandamus quatenus uno die ǁ dominico sive festivo in facie pretacte ecclesie de Venloon hora summe misse populo inibi ad audiendum divina ǁ congregato un* auctoritatem nostram in et super premissis faciatis proclamationem solempnem aliis duabus quandoque fieri ǁ solitis quas dicto domino Johanni presentato ex gratia remisimus et remittimus speciali pretermissis nunciam in eadem ǁ proclamatione alta et intelligibili voce prefatum dominum Johannem nobis ad dictas ecclesias modo premisso fore presentatum ǁ citando nihilominus peremptorie Lovanii coram nobis seu iudice nostro ibidem residente ad sabbatum hora ǁ prime post festum sancti Barnabi. Omnes et singulos sua de et super premissis dicente aut credente quodlibet ǁ interesse contra dictum dominum Johannem presentatum seu eius procuratorem legitimum ad dicendum, proponendum seu allegandum ǁ si quid et quicquid tam contra personam dicti presentati quam presentationem de se nobis factam pretactam dicere, proponere ǁ seu allegare voluerint dicendumque de iure eorum si quod se in hiis habere pretendant alioquin ad videndum ǁ et audiendum dictum dominum Johannem presentatum seu eius procuratorem legitimum ad dictas ecclesias admitti et rectorem in ǁ eisdem cum suis iuribus et pertinentiis universis instituti cum intimatione debita et consueta. Et quid in ǁ premissis feceritis nobis unacum vero annuo valore dictarum ecclesiarum ut prefertur unitarum fideliter et liquide ǁ rescribatis. Datum anno a nativitate Domini millesimo quingentesimo sexagesimo secundo mensis junii ǁ die vero quarta.
Pro domino archidiacono
Hermannus *

[marge]
* XIII junii *
iam * prestitit
iuramentum *
per dominum doctorem *

[1432_0027_002]

[op linkerhelft]
Anno Domini 1562 in facie ecclesie nostre de Venloon honorabilis ǁ die ante festum d* Barnabi apostoli tempore * summe ǁ misse die dominico iuxta * mandatum * est per me sub- ǁscriptum unica proclamatio mandarusque honorabilis vir dominus ǁ * * * omnibus et singulis *atibus quo/qua ǁ [***] iuxta tenor *[***] * predicta [***] sua app* de Sprang ǁ [***] sexaginta modios siliginis ut patet in rescript* ǁ [***] quod attestor manu propria ǁ [***]

[op rechterhelft]
Loon