's-Hertogenbosch

Willem sone wijlen Jans Aert Adriaens z. ingeseten der heerlickheijt van Ven ǁ loon, dat men noempt Loon opt Sant, heeft wittelick ende erffelick vercoft ende vercoopt mits desen ǁ Gielissen sone wijlen Diercx Gielis s. molder, eenen jairlicken ende erffelicken chijns van twaelff carolus ǁ gulden twintich stuvers voor den gulden gerekent, oft de werde daer voor in anderen goeden gelde, te betalen alle ǁ jaer erffelick inden hoochtijde van Pinxten, waer aff den iersten termijn van betalinge wezen zall van morgen ǁ wesende thoochtijt van Pinxten over een jaer, ende in sHertogenbossche vrij van alle beden ons heeren des ǁ hertoge, exactien, subventien, vijffde, thiende, twintichste, hondertste, ende alle andere meerdere ende mindere penningen ǁ commeren ende lasten, gewoonlicke, ongewoonlicke ordinarisse, extraordinarisse, innegestelt, ende ter avonturen ǁ noch namaels ingestelt te worddene, egeene lasten uutgescheijden te leveren ende te vergelden, van ende uut huijs ǁ erve, hoff boomgaert ende ackerlant malcanderen [a]en eenen plack aenliggende, te samen twaelff loopensaet lants ǁ oft daerontrent inder grootte begrijpende, gestaen ende gelegen onder de prochie van Venloon voirs., ter ǁ plaetsse genoempt opten Ketshovel tussen erffe[ni]sse Sijmons sone Diercx Bunnen, aenden westzijde, ende tussen den ǁ erve vanden onmundigen kijnderen Cornelis Dries s., [a]ende oostzijde, streckende zuijdtwaerts aen sheeren strate ǁ ende noortwart aenden Loonissen dijck aldaer soo men v[er]clairde, vanden selven cooper metten erff recht te hebben ǁ ende te besitten ende heeft den voirn. vercooper den voirs. chijns den voirn. cooper opgedragen, ende heeft daer op verthegen ǁ helmelinge met maniere in dien gewoonlick zij[n]de, gelovende de voirs. Willem ende met hem Peeter Henricx z. ǁ Hamers als schuldenaren principael onverscheijd[en] ende een voor all op verbant van henne persoonen ende alle henne ǁ goedens present ende toecomende, dat zij den voirn. coper vanden voirs. chijns schuldige ende gerechte sullen doen warant ǁ schappe, ende dat zij allen anderen commer calangie ende aentael inde voirs. onderpanden wesende oft comende den selven ǁ cooper aff sullen doen geheelijck, uutgenomen eenen [er]ffchijns van seven ende eenen halven gulden aen Elizabeth Deijtz tot Loon, ǁ item eenen reducibilen pacht van vijff ende eenen h[a]lff vaten roggen aen Onser Liever Vrouwen altaer inde kercke ǁ tot Loon, ende twee capuijnen chijns aen(den) heere tot Loon, jairlicx van te voorens ende van rechts wegen uut de voors. ǁ gestelde onderpanden te vergelden staende soo hij seede, ende dat zij oock de voors. onderpanden voor de betalinge des voirs. ǁ chijns den voorn. cooper jairlicx daer uut als voor te vergelden altijt goet genoech ende weldeugende ǁ sullen maken ende houden, Getuijgen waeren hier over schepenen inne s'Hertoigenbossche, Arnt van Broechoven ǁ ende Guiliam van Doijenbraeck, gegeven den thienden dach der maent van junij, int jaer ons heeren ǁ duijsent sesshondert achtentwintich, ǁ G Ruijssen ǁ Secretaris R ǁ

In dorso:

XII gulden tot Loon ǁ verschijnende Pinxten ǁ gilt ǁ