's-Hertogenbosch

Bartholomeus sone wijlen Jans Leonarts woonende tot Riel, heeft wittelijck ende erffelijck ǁ
vercoft ende vercoopt mits desen Jannen Peeterss. van Trier soo tot sijnen behoeff als mede ten behoeve van ǁ Jenneken sijne sustere dochtere des voors. Peeters van Trier, eenen jaerlijcken ende erffelijcken chijns van ǁ thien carolus gulden tot twintich stuivers goets gancbaers gelts elcken gulden gereeckent, te betaelen alle ǁ jaer erffelijck int hoochtijt van Onser Lieve Vrouwen Lichtmisse ende voorden iersten termijn van betaelinge ǁ int hoochtijt van Onser Lieve Vrouwen Lichtmisse anno sesstienhondert sevenendertich, ende binnen ǁ sHertogenbossche vrij van alle beden, commeren, scattingen ende lasten egeene uutgescheijden, te leveren ende ǁ te vergelden, van ende uut huijs erve hoff boomgart ende den erffenisse dien aenliggende soo ackerǁlant als weijlant groot tesamen ontrent twintich loopensaten lants gelegen onder de parochie van Riel ǁ ter plaetssen genaempt Braeckel, tussen eene gemeijne straete suijtoostwaerts aen deen sijde, ende tussen ǁ
erve Jans Jans Lenaertss. sijns vercoopers broeder westwaerts aen dander sijde, streckende metten eenen ǁ eijnde aende gemeijn straet ende metten anderen eijnde aen erve des voors. Jan Jans Leonarts, soo hij ǁ seede van den selven Jannen Peeters ende Jenneken sijne sustere metten erffrecht te hebben ende te ǁ besitten, ende heeft de voornoemde vercooper den voors. chijns, den voorn. Jannen Peeters ten behoeve ende ter ǁ natueren als boven opgedragen met helmelinge vertijdenisse inne manieren indien gewoonlijck sijnde,ǁ gelovende de voors. vercooper als schuldenaer principael op verbant van sijnen persoon ende alle sijne ǁ goedens present ende toecomende dat hij den voornoemde Jannen Peeters ende Jenneken sijne sustere vanden ǁ
voors. chijns schuldige ende gerechte sall doen warant schapppe ende dat hij allen andere commer calangie ǁ ende aentael in de voors. onderpanden wesende oft comende den voornoemde Jannen Peeters ende Jenneken sijne ǁ sustere aff sall doen geheelijcken, uutgenomen eenen jaerlijcken chijns van vijftien gulden aen Adriaen Anthonis ǁ Henricx woonende tot Riel, item eenen jaerlijcken chijns van drije gulden aen Willem Peeters tot ǁ Alphen, ende den grontchijns tot ontrent eenen braspenninck, ierst jaerlijcx van te voorens ende van ǁ rechtswegen daeruut te vergelden staende, soo hij seede, ende dat hij oock de voornoemde onderpande voor de ǁ betaelinge des voors. chijns den voornoemde Jannen Peeters ende Jenneken sijne sustere jaerlijcx daer uut soo ǁ voors. staet te vergelden altijt goet genoch ende weldueghende sall maecken ende houden, met conditien ǁ
inne desen toegedaen dat de voornoemde vercooper den voors. chijns sall mogen lossen ende quijten tot allen tijden teffens ǁ ende ten eenenmaele met de somme van tweehondert carolus gulden tot twintich stuivers goets gancbaers ǁ gelt, elcken gulden gereeckent, ende metten loopenden jaerchijns ende achterstellen alsdan daer van tachterǁ ende onbetaelt staende behoudelijck dat inne men den selven loss een halff jaer te voorens wittelijck sall vercondigen ǁ
ende opseggen, Getuijgen waeren hier over scepenen inne sHertogenbossche Hendrick van Vladeracken ende ǁ Willem Henricxss. van den Hout. Gegeven den sesten dach der maent meert int jaer ons heeren duijsent ǁ sesshondert ende sessendertich ǁ L van KesselLittera Johannis Substituut Secretarisduplicaat [***ǁ  loco patris ǁ

In dorso:
Op heden den XVIIIe april 1643, compareerden voor mij openbaere [***] ende de getuijghen naergenoemt ǁ Michiel Janssen van Wijck man ende momboir van Adriaentien des [***] Adriaensen van Duijn, [***] ǁ w[***] wettelijck overgegeven, opgedrag[en] gecedeert en(de) getransp(orteert [***] ende van [***] wette[***] breeder gere[***] rente den voors.[***] gecomen bij doode vande[ ***] ǁ
Peeter van Dun, welcken Peeter [***] ende rente is opge[***] voor schepenen van Hilvarenǁbeeck bij wijlen Jan van Trier [***] ende die voors. transporte[***] onder verbant [***]ǁ act[***]ter [***] van[***]hilders ende erffe[***]Jan Schellekens als getuijghen ǁ Noch een ander transpoert geschiet daer voor secretaris ǁ Hessels ende schepenen [***] Hilvarenbeeck [***] ǁ Op [***] ontfangen [***] ǁ [***] ende alhier gepasseert ǁ den lesten september 1695 ǁ met de somme van ǁ 151:7:1 ǁ