Hilvarenbeek

Wij Jan Henrijcss van Gorp ende Jan van Mol scepenen in Beeck tuijghen onder onsen gemeijnen zegel ǁ dat voir ons is coemen Wilm soen Peter Nouwen Een huijs ende hoff met zijne gronde ende toebehoerte ǁ gelegen indie Wouwer straete tusschen den erve naebescreven, welck Marie weduwe Dircx die ǁ Brouwer met haeren kijnderen te wesen plach optie een sijde ende tusschen erffenisse Jacops van Aelst met Hieronimus ǁ die Molder optie ander sijde streckenden vander voirs. straete totter erffenisse Marte met hueren kijnderen ǁ voirs. Item noch een stucxken erfs hier neven liggende tusschen t voirs. huijs ende hoff optie een sijde ende ǁ tusschen erffenisse Marte met haeren kijnderen optie ander sijde ende metten eenen eijnde ende metten anderen spade ǁ aen die voirs. straet Welck huijs ende hoff wilner Peter Nouwen sijn vader tegen Geertruijen ǁ  weduwe Peter Boudwijn Giselss. erffelijcken vercregen hadde ende Wilm voirs. voirts van sijne ǁ bruederen ende susteren bij opdrachten erffelijcken vercregen hadde als dat in diversche scepenen brieven ǁ van Beeck daer op gemaect volcomelijcker begrepen is heeft hij wittelijcken ende erffelijcken ǁ overgegeven ende opgedraegen Mathijsen soen Wouter Jan Sledden soen tsaemen metten scepenen ǁ brieven voirs. ende met allen anderen scepenen brieven ende voirwaerden mentie daer aff malcanderen ende gewach ǁ doenden met affgaen ende vertijden in manieren als dat gewoenlijck is ende Wilm voirs. heeft geloeft ǁ op hem ende op alle zijne goeden hebbende ende vercrijgende dit overgeven ende opdragen Mathijss voirs. ǁ altijt vast ende stentich te houden sonder ennich wederseggen ende alle commer ende calangie hier inne ǁ wesende van sijnen wegen altemael aff te doen den selven daer Mathijs voirs. jaerlijcs vuijt gelden ǁ sal te wetenen vuijten huijse ende hoeve voirs. omtrent twee stuvers erfchijns den heeren vanden ǁ capitelen van Beeck ende uuijten erffenisse voirs.omtrent vijfstuvers een blanck den heeren voirs. ǁ gegevenen int jaer ons heeren dusent vijfhondert een ende vijftich derthien dage in julio ǁ Steltacker de ma:to scabini ǁ

In dorso:

rescribatur ǁ