Hilvarenbeek

Wy Jan van Mol ende Henrick Anthoniss. scepenen in Beeck tuygen onder onsen gemeynen zegel dat voer ons zyn coemen dye erfgen[namen] ǁ wilnere Wilms Claes Ceelenss. te wetenen Claess. Jan Claes Ceelen inden naem van hem selven ende inden naem vanden anderen kynderen ǁ
wilnere Jans zyns vaders voers. daer hy hem sterck voer gemaect heeft Claes Mys Gerit Myss. als man ende momboir van [***] ǁ zynen huysvrouwen dochter Marys Claes Ceelen ende Claes ende Margryet zijn suster met hueren momboir huer vanden heer gegeven also als ǁ
recht is hy kynderen Peterss. Claes voers. voer hem selven ende voer Henrycke hueren broeder daer zy voer geloeft hebben [voer hem selven] ǁ ende voer allen anderen erfgenaemen van Willemenss. Claes Ceelen daer in gesamenderhant voer geloeft hebben die helft in een [***] ǁ mud roggen jaerlycs ende erffelycks pachts hen als zy sede toebehoerende der maten van Beeck alle jaer te [***] ǁ Vrouwen Dach Lichtmisse uuyt ende van eenen huysinge ende hoevinge daer wilnere Aert Geritss. van Gorp uuytten [***] ǁ 
gelegen tot Spul metter eenen zyde neven erffenis Eckerstraet dander zyde neven erffenis wyf ende kynderen Wouteren vanden ǁ Veken gelyc den selven erfpacht byden gelderen desselve bekent is als dat in scepenen litteren vanden date vijffhien [***] ǁ des woensdach voer Half Vasten volcomelycker begrepen is hebben zij wittelycken ende erffelycken overgegeven [***] ǁ opgedraegen Jannen den outstenss. Aerts Janss. van Raeck tsaemen metten scepenen litteren voers. ende met alle ande[ren] ǁ ende voerwaerden mette daer aff makende ende gewach doende ende met allen den recht hen daer inne ennichsints [toebehoorende ende] ǁ met affgaen ende vertyden in manieren als dat gewoenlyck is ende die vercoperen voers. inden naem als voer [***] ǁ hen ende op alle hueren goeden hebbende ende vercrygende Dit opdraegen ende overgeven Jan voers. altijt vast ende [stentich] ǁ ennich wederseggen ende dye helft vanden halven mud roggen voers. te waeren alsmen erfpacht met recht schuldich is [te waeren] ǁ ende donderpanden altyt goet zeker ende weldogende te maken voer dye betaelinge des erfpachts voirs. Gegeven [***] ǁ dusent vyfhondert drye ende vyftich seven dage in f[ebruar]io ǁ

In dorso:
Jan Aertss. van Raeck Douwe ǁ [uuijt] desen brief is te sien dat het straetken voor neven den vorsten ǁ gaershof aen den selven gaershof behoort alsoo het erf neven het voors. ǁ
straetken noortwaerts niet voorder verpant aen is gheweest ǁ voor een half mu[d] roggen in desen gherekent als tot het ǁ straetken toe welcken erven ofte onderpants van het straetken ǁ half mud korens Gheerit de Mesmaker niet vorder aenghevest ǁ